ەلباسى ەلگە ورالماق قانداستاردى قۇجاتتارمەن جۇگىرتپەۋدى تاپسىردى
«ەلىم، جەرىم دەپ ەڭىرەگەن ءاربىر قازاققا قازاقستاننىڭ ەسىگى ءارقاشان اشىق، ايقارا اشىق. ەشكىمگە شەكتەۋ جوق. جاعداي بار، ەلىمە كەلەمىن دەگەندەرگە قاۋىمداستىق ارقىلى بارلىق جاعدايدى جاساۋىمىز كەرەك. ءبىز كوشىپ كەلۋگە نيەت ەتكەن اعايىنعا جول سىلتەۋدى تۇرعىلىقتى جەرىنەن باستاۋىمىز كەرەك. ءبىزدىڭ بارلىق ەلدەردە ەلشىلىكتەرىمىز بار. سول ەلشىلىكتەر ازاماتتاردىڭ قۇجاتتارىن قامداپ، قونىستاناتىن جەرى تۋرالى كەڭەس بەرۋى ءتيىس. وسىندا وتىرعان سىرتقى ىستەر مينيسترىنە تاپسىرامىن. كەلەمىن دەگەندەر شەكارادا ىلعي شىرعالاڭ بولىپ تۇرادى. ەلگە كەلگەننەن سوڭ، قۇجات تۇگەندەۋ ءۇشىن ارى-بەرى سارىلۋ بولماۋى كەرەك. قىتاي قازاقتارىنىڭ سوتتالعانى نەمەسە سوتتالماعانى تۋرالى انىقتاما الۋ جايى اعايىنعا پروبلەمالار تۋعىزادى. ونى شەكارا تۇرعىسىنان سول جەردە انىقتاپ، ەلمەنەن اقىلداسىپ، كەلىسىپ، شەشۋ كەرەك. ۇكىمەتكە وسىنىڭ بارلىعىن كەشەندى تۇردە قايتا قاراپ، شەشىمىن تابۋدى تاپسىرامىن»، - دەدى پرەزيدەنت قۇرىلتايدىڭ اشىلۋ سالتاناتىندا.
اۆتور: جاسۇلان جولدىبايەۆ
