ۆەنا قوناق ۇيىندە تىر جالاڭاش شەشىنىپ، شۋ شىعارعان قازاقستاندىق ۇستالدى
جايناقوۆتىڭ ايتۋىنشا، پوليتسيا ديپلوماتتارعا ۇستالعان ادام تۋرالى مالىمەت بەرمەگەن.
«ۆەناداعى ديپلوماتتار بۇل وقيعا جايلى جەرگىلىكتى ب ا ق- تاردان بىلگەن. وسىدان كەيىن ولار ۆەنا قالاسىنىڭ پوليتسياسىمەن بايلانىسقا شىعىپ، قازاقستان ازاماتىنىڭ قوناق ۇيلەردىڭ بىرىندە ماس كۇيدە شۋ شىعارعانىن انىقتاعان. الايدا پوليتسيا قىزمەتكەرلەرى ديپلوماتتارىمىزعا وقيعانىڭ ءمان-جايىن جانە ۇستالعان ادام تۋرالى مالىمەت ايتۋدان باس تارتتى، سەبەبى ۇستالعان ادام ءوزى جايلى ەشكىمگە دە ەشقانداي مالىمەت بەرمەۋدى سۇراپتى. ۇستالعان ادامنىڭ 33 جاستا ەكەنىن عانا بىلەمىز. ول ۆەناعا تۋريست رەتىندە بارعان»، - دەدى جايناقوۆ.
«جەرگىلىكتى باسىلىمداردا جاريالانعان ماقالالاردان ونىڭ ماس كۇيدە قوناق ءۇي بولمەسىنە كىرىپ، ۇرلىق جاساپ، كەيىن ۇستالعاننان كەيىن زاتتاردى قايتارىپ بەرگەنى انىقتالدى. قازىرگى ۋاقىتتا ول پوليتسيا بولىمشەسىندە»، - دەدى س ءى م وكىلى.
