گولوۆكين مەن الۆارەستىڭ ءسوزتالاسى: قازاقتار الدە مەكسيكالىقتار مىقتى؟
- ولار دا، وزگەلەر دە - وتە مىقتى. قازاقتار، ورىستار... وسى وڭىردەگى بارلىق جاۋىنگەرلەر وتە مىقتى، بەتپە-بەت كەلۋدەن جاسقانبايدى، كۇشتەرى كوپ. ءبىراق مەكسيكالىقتار دا ءدال سونداي. مەن دە ءدال سولاي تۇرامىن جانە ءوز قابىلەتتەرىم مەن كونترشابۋىلدارىمدى قولدانعاندى ۇناتامىن. مەكسيكالىق ستيل جاقسى جەكپە- جەككە نەگىز بولادى»، - دەپ سانايدى «كانەلو».
- ءبىز - تۇرپاتىمىز وتە ۇقساس ادامدارمىز، بۇل تۇرعىدا ەكى ۇلتتىڭ دا جاقىندىعى بار. جاقسى ءارى مىقتى جاۋىنگەرلەر»، - دەپ قوستى GGG.
ەسكە سالايىق، گولوۆكين-الۆارەس جەكپە-جەگى 16- قىركۇيەك كۇنى لاس-ۆەگاستاعى «T- Mobile Arena» - دا وتەدى. كەشە بۇل كەزدەسۋدىڭ باستالاتىن ۋاقىتى بەلگىلى بولعانىن ايتقان ەدىك.
«نەگىزگى شارا شىعىس جاعالاۋى ۋاقىتىمەن كەشكى ساعات 11 دەن كەشىكپەي باستالادى. سوندىقتان جۋرناليستەر مەن جانكۇيەرلەر 12 نەمەسە ءتۇننىڭ ورتاسىنا دەيىن كۇتىپ وتىرمايدى. بۇل ايقاستى ساعات 11 دە كورە الاسىزدار»، - دەگەن بولاتىن Golden Boy پروموۋتەرلىك كومپانياسىنىڭ باسشىسى دە لا حويا نيۋ-يوركتە وتكەن باسپا ءسوز كونفەرەنسياسىندا.
وسىلايشا، قازاقستاندىق كورەرمەندەر ءۇشىن جەكپە-جەك 17- قىركۇيەك، جەكسەنبى كۇنى تاڭعى ساعات 9 دان كەشىكپەي باستالادى.
بۇل جەكپە-جەك ورتا سالماقتاعى الەم چەمپيونى گەننادي گولوۆكين ءۇشىن سپورتتىق مانسابىنداعى سوڭعىسى بولۋى مۇمكىن. «مەن وسى جەكپە-جەكتەن كەيىن كاسىبي سپورتتان كەتەتىن شىعارمىن. بالكىم، كەتپەيمىن. مەن ءوز بابىمدامىن جانە ءوزىمدى 25 جاستاعىداي سەزىنەمىن. الايدا بۇل فۋتبول ەمەس، بوكس. بوكس ويىن ەمەس، جان بەرەتىن باسەكە. باسەكەنىڭ قاي-قايسى بولماسىن وزىنشە اۋىر»، - دەدى گ. گولوۆكين.
