نەبارى ءبىر ايەلى بار: ساۋد ارابياسىنىڭ جاڭا تاق مۇراگەرى تۋرالى قىزىقتى دەرەكتەر
بۇل تۋرالى BBC ورىس قىزمەتى حابارلايدى.
ونىڭ قولىنا كوپ بيلىك شوعىرلانىپ، باسەكەلەستەرىنىڭ ءبارى كەيىنگە سىرعىعان. 2009-جىل مۇحاممەد بەن سالمان اكەسى ەر-ريادتىڭ گۋبەرناتورى بولىپ تۇرعان كەزدە كەڭەسشى قىزمەتىن اتقاردى.
2015-جىلى كورول جاسى كەلگەن تاق مۇراگەرىنىڭ ورىنىنا جاس مۇحاممەد بەن نايف مۇراگەر بولىپ تاعايىندالدى. ال ونىڭ ورىنباسارى سالماننىڭ ۇلى بولدى. ەندى سول مۇحاممەد بەن سالمان ەكى جىل بۇرىن تاعايىندالعان نايفتى الماستىرىپ وتىر.
ول سونداي-اق، تاق مۇراگەرلىگىمەن قاتار پرەمەر-مينيستر، قورعانىس ءمينيسترى قىزمەتتەرىن دە اتقارا بەرەدى.
سالمان بەن ابدۋل ءازيز 2015-جىلى قاڭتار ايىندا كورول بولعان كەزدە ۇلىن دا بىردەن جوعارى قىزمەتكە جەتەلەگەن ەدى. 29 جاستاعى مۇحاممەد قورعانىس ءمينيسترى بولا سالىسىمەن، ساۋد ارابياسى ەكى ايدان سوڭ يەمەندە اسكەري كامپانيانى باستاپ كەتتى.
2016-جىلى ءساۋىر ايىندا ىقپالدى حانزادا ەكونوميكا جانە دامۋ ىستەرى جونىندەگى كەڭەس باسشىسى رەتىندە، كورولدىكتى مۇناي تابىسىنا تاۋەلدى ەتپەيتىن، جاڭاشىل ەكونوميكالىق رەفورمانىڭ تۇجىرىمىن ۇسىندى. ونىڭ سوزىنشە، اتالمىش رەفورما ەنگىزىلسە وندا 2020-جىلعا قاراي مۇنايسىز دا ءومىر سۇرۋگە بولادى.
مۇحاممەد بەن سالمان 1985-جىلى 31- تامىزدا دۇنيەگە كەلگەن. ول سالماننىڭ ءۇشىنشى ايەلىنىڭ ۇلكەن ۇلى. ءبىر كەلىنشەگى جانە ەكى ۇل، ەكى قىزى بار.
