بيلل گەيتس امەريكانىڭ ەڭ باي ادامى اتاندى

سارسەنبى كۇنى Forbes جۋرنالىندا جاريالانعان رەيتينگ بويىنشا ەلدەگى 50 شتاتتىڭ ءارقايسىسىنداعى بايلاردىڭ قاتارىندا بيلل گەيتستىڭ (ۆاشينگتان شتاتى) بايلىعى 88,9 ميلليارد دوللارعا باعالانىپ وتىر، دەپ حابارلايدى رەسەيلىك ت ا س س اگەنتتىگى.

Microsoft-تىڭ ورتاق قۇرىلتايشىسى الەم بويىنشا دا ەڭ باي ادام قاتارىندا. ۆاشينگتوندا تۇراتىن امەريكالىق Amazon ينتەرنەت-كومپانياسىنىڭ نەگىزىن قالاۋشى دجەفف بەزوس شتاتتاعى ەڭ باي تۇرعىندار اراسىندا ەكىنشى ورىنعا يە بولدى (83,3 ميلليارد $). نەبراسكىدەگى ەڭ باي تۇرعىن رەتىندە ينۆەستور ۋوررەن بەففەت تانىلدى (76,2 ميلليارد $).

امەريكاداعى ەڭ جاس باي ادام رەتىندە تاعى دا Facebook الەۋمەتتىك جەلىسىنىڭ نەگىزىن قالاعان 33 جاستاعى مارك تسۋكەربەرگ اتاندى، ول دا كاليفورنيانىڭ ەڭ داۋلەتتى تۇرعىندارىنىڭ ءبىرى. ال، نيۋ-يوركتەگى ەڭ باي ادام بۇرىنعىسىنشا ەكس-مەر مايكل بلۋمبەرگ (50,7 ميلليارد $) ، اركانزاستاعى داۋلەتتى ادام دجيم ۋولتون (38,5 ميلليارد $) - الەمدەگى كوتەرمە جانە جەكە ساۋدا جەلىسىنە يە Walmart كومپانياسىنىڭ قۇرىلتايشىسى سەم ۋولتوننىڭ ۇلى.

ونىڭ تەحاس شتاتىندا تۇراتىن اپايى اليسا ۋولتون سول ايماقتاعى ەڭ باي ايەلدەردىڭ ءبىرى (38,2 ميلليارد $).

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى