كاسپي ماڭى ويپاتىنىڭ وتە تەرەڭ قاباتىن زەرتتەيتىن كونسورتسيۋم قۇرىلادى
ءمينيستردىڭ ايتۋىنشا، جۇرگىزىلگەن زەرتتەۋ الەم مۇناي تۇتىنۋ كولەمىنىڭ شىرقاۋ شەگى 2030 -جىلى ورىن الىپ، 2050 -جىلعا قاراي ول تومەندەي باستايدى. وسىعان بايلانىستى ەلىمىزدىڭ ەنەرگەتيكا مينيسترلىگى مۇناي سالاسىنا ينۆەستيتسيا سالۋدى ىنتالاندىرۋ ءۇشىن شارالار ازىرلەۋ ۇستىندە. ماسەلەن، ينۆەستيتسيالىق تارتىمدىلىقتى ارتتىرۋ جانە اكىمشىلىك كەدەرگىلەردى تومەندەتۋ ءۇشىن جەر قويناۋى تۋرالى كودەكس پەن سالىق كودەكسىنىڭ جوبالارى ازىرلەنگەن. اتالعان جوبالاردى وسى جىلدىڭ قىركۇيەك ايىندا پارلامەنت قاراۋىنا ەنگىزۋ جوسپارلانۋدا.
«مۇنايدىڭ باعاسى تومەن بولعان جاعدايدا اتالعان تۇزەتۋلەر جىل سايىن مۇناي- گەولوگيالىق بارلاۋ جۇمىستارىنا شامامەن 1 ميلليارد دوللار ينۆەستيتسيا تارتۋعا مۇمكىندىك بەرەدى. كۇنى كەشە عانا ءبىز CNPC, SOCAR, NEOS GeoSolutions جانە قازمۇنايگازبەن بىرگە «ەۋرازيا» جوباسى بويىنشا كەلىسىمگە قول قويدىق. كاسپي ماڭى ويپاتىنىڭ وتە تەرەڭ قاباتىندا قازاقستاننىڭ جەر قويناۋىن زەرتتەۋمەن اينالىساتىن كونتسورتسيۋم قۇرۋعا ۋاعدالاستىق. مۇنداي جوبا بۇرىن- سوڭدى الەمدە بولعان ەمەس. كاسپي ماڭى ويپاتى قورىندا ماماندار 50 ميلليارد توننادان استام مۇناي بار دەپ باعالاۋدا»، - دەدى ق. بوزىمبايەۆ.
ايتا كەتەيىك، شەتەلدىك ينۆەستورلارى كەڭەسى قازاقستان پرەزيدەنتىنىڭ توراعالىعىمەن وتەتىن كەڭەسشى- كونسۋلتاتيۆتى ورگان بولىپ سانالادى. كەڭەس 1998 -جىلى ەلدەگى ينۆەستيتسيالىق قىزمەت پەن ينۆەستيتسيالىق احۋالدى جاقسارتۋمەن تىكەلەي بايلانىستى وزەكتى ماسەلەلەردى ءتيىمدى شەشۋ ءۇشىن مەملەكەت پەن شەتەلدىك ينۆەستورلار اراسىنداعى تىكەلەي ءۇنقاتىسۋدى قامتاماسىز ەتۋ ماقساتىندا قۇرىلعان. ەلدىڭ ينۆەستيتسيالىق ساياساتى مەن ەكونوميكالىق دامۋىنىڭ باستى اسپەكتىلەرى بويىنشا قازاقستان پرەزيدەنتى مەن ۇكىمەتىنىڭ قاراۋىنا ۇسىنىمدار مەن ۇسىنىستاردى ازىرلەۋ كەڭەستىڭ باستى مىندەتى سانالادى.
اۆتور: مارلان جيەمباي
