قازاقستاننىڭ گاز الەۋەتىن قولدانۋ مۇمكىنشىلىگى جوعارى - دەسكالتسي

 دەپ حابارلايدى قازاقپارات.

 قازاقستانعا قاتىستى ايتار بولسا، رەسپۋبليكا قازىردىڭ وزىندە كليماتتىڭ وزگەرۋى پروبلەمالارىن شەشۋدە. شىعارىندىلارعا ءتيىمدى باقىلاۋ ەنگىزىپ، ولاردىڭ كولەمىن قىسقارتۋدى ىنتالاندىرۋدا جانە پارنيكتى گازدارعا ارنالعان كۆوتالاردى ساتۋدا. مەملەكەت سوڭعى 10 جىلدىڭ ىشىندە كومىرقىشقىل گازدىڭ قارقىندى شىعارىلۋىن شامامەن 20 پايىزعا تومەندەتۋ ارقىلى كليماتتىڭ وزگەرۋىمەن كۇرەستە تابىستى ىلگەرىلەپ كەلەدى. بۇعان قوسا ەلەكتر ەنەرگەتيكا سالاسىنداعى گازدىڭ ۇلەسىن ارتتىرۋ ەسەبىنەن كورسەتكىشتى جاقسارتا تۇسۋگە دە مۇمكىنشىلىگى زور. بۇگىندە اتالعان سالاداعى كومىردىڭ ۇلەسى 64 پروتسەنتتى قۇراپ وتىر»، - دەدى دەسكالتسي.

وسى رەتتە ول بولاشاقتا قازاقستاننىڭ شامامەن 2 تريلليون تەكشە مەتردى قۇرايتىن گاز قورى الەۋەتىن قولدانۋعا مۇمكىنشىلىگى بار ەكەندىگىن اتاپ ءوتتى.

 «ەكولوگيالىق تۇرعىدان الىپ قاراعاندا، گاز ەلەكتر ستانسالارى بارىنشا ءتيىمدى جانە كومىر ەلەكتر ستانسالارىمەن سالىستىرعاندا كومىر قىشقىل گازى شىعارىندىلارىنىڭ شامامەن جارتىسىن وندىرەدى. مۇنان بولەك، قازاقستاننىڭ جەل جانە كۇن ەنەرگياسىن وندىرۋدە دە الەۋەتى بار. ءبىز مۇنداي جوبالاردى اۋقىمدى تۇردە جۇزەگە اسىرۋ ەنەرگيا تۇتىنۋدىڭ قازىردى قۇرىلىمىنا پايدا اكەلەدى جانە ەلەكتر ەنەرگياسىن ءوندىرۋ جۇيەسىندەگى كومىرتەك ءىزىن بىرتىندەپ تومەندەتۋگە مۇمكىندىك بەرەدى دەپ ويلايمىز»، - دەدى «ەني» كومپانياسىنىڭ باس اتقارۋشى ديرەكتورى.

 ايتا كەتەيىك، شەتەلدىك ينۆەستورلارى كەڭەسى قازاقستان پرەزيدەنتىنىڭ توراعالىعىمەن وتەتىن كەڭەسشى- كونسۋلتاتيۆتى ورگان. كەڭەس 1998 -جىلى ەلدەگى ينۆەستيتسيالىق قىزمەت پەن ينۆەستيتسيالىق احۋالدى جاقسارتۋمەن تىكەلەي بايلانىستى وزەكتى ماسەلەلەردى ءتيىمدى شەشۋ ءۇشىن مەملەكەت پەن شەتەلدىك ينۆەستورلار اراسىنداعى تىكەلەي ءۇنقاتىسۋدى قامتاماسىز ەتۋ ماقساتىندا قۇرىلعان. ەلدىڭ ينۆەستيتسيالىق ساياساتى مەن ەكونوميكالىق دامۋىنىڭ باستى اسپەكتىلەرى بويىنشا قازاقستان پرەزيدەنتى مەن ۇكىمەتىنىڭ قاراۋىنا ۇسىنىمدار مەن ۇسىنىستاردى ازىرلەۋ كەڭەستىڭ باستى مىندەتى سانالادى.

 اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى