استانا- الماتى- ءۇرىمجى پويىزى قاتىناي باستادى
«جولاۋشىلار تاسىمالى» ا ق باسپا ءسوز قىزمەتىنىڭ مالىمەتىنشە، التىنكول ءىرى تەمىرجول تورابى، قازاق جانە قىتاي تەمىرجولدارى توعىساتىن ستانسا بولىپ تابىلادى.
«مۇندا جىلجىمالى قۇرامدار پاراللەلدى جولدارعا توقتايدى دا جولاۋشىلاردى وتىرعىزۋ باستالادى: قازاقستان جولاۋشىلارى - قىتاي پويىزدارىنىڭ ۆاگوندارىنا، ال قىتاي جولاۋشىلارى ءبىزدىڭ پويىزدارعا ورنالاسادى. جولاۋشىلاردى ورنالاستىرۋدىڭ بۇل ۇلگىسى وتە ىڭعايلى ءارى ۋاقىت شىعىنىن قاجەت ەتپەيدى»، - دەيدى پويىز باسشىسى. تۋريستەر بۇل ۋاقىتتا شەكارا جانە كەدەن باقىلاۋىنان ءوتىپ، ساپارلارىن جالعاستىرادى. كۇن سايىن جۇرەتىن پويىز «تۇلپار- تالگو» وتاندىق ءونىمنىڭ 31 ۆاگونىنان تۇرادى.
