بۇگىن ولسەم بارلىق قاجەت جەرگە اعزامدى بەرەر ەدىم - ەكس-مينيستر دوسقاليەۆ
قازىرگى كەزدە ۇلتتىق ترانسپلانتولوگيا ورتالىعىنىڭ ديرەكتورى قىزمەتىن اتقاراتىن جاقسىلىق دوسقالييەۆ، بۇل جاعدايعا قاتىستى پىكىر ءبىلدىردى.
«بۇل جەردە قانداي دا ءبىر جەمقورلىق ارەكەتتىڭ ورىن الۋى مۇمكىن ەمەس. ميدىڭ ءولى نە، ءتىرى ەكەنىن انىقتاپ بەرەتىن ءادىس تە، اپپارات تا بار. ءارى شەشىمدى ءبىر ەمەس، بىرنەشە دارىگەر بىرىگىپ وتىرىپ شىعارادى. بۇل رەتتە كەز- كەلگەن ادام دونور بولا المايدى، ول ءۇشىن ارنايى تەكسەرۋ ارقىلى ونىڭ گيستولوگيالىق سايكەستىگى انىقتالادى. مىسالى، مەن ءوزىمنىڭ ەمحاناما بارىپ كەلىسىم بەرەتىن قۇجاتقا قول قويدىم. ياعني، بۇگىن ولسەم دە بارلىق اعزالارىمدى قاجەت ادامعا بەرەمىن»، - دەدى دوسقاليەۆ.
اقتوبەدەگى بۇيرەك اۋىستىرۋ وقيعاسىنان كەيىن، ولىمنەن كەيىنگى دونورلىققا قاتىستى داۋ ءورشىپ، ءتىپتى كەيىن بۇعان دەنساۋلىق ساقتاۋ ءمينيسترىنىڭ ءوزى ارالاسقان بولاتىن. ال اقتوبەگە كەلگەن جاقسىلىق دوسقاليەۆ، قايتىس بولعان سەرىكبولسىن كوشەربايدىڭ وتباسىنا ارنايى بارىپ كوڭىل ايتىپ شىقپاق.
