يسلام كارىموۆتىڭ العاشقى نەكەدەن تۋعان ۇلى مەن قىزدارى نە ىستەپ ءجۇر - فوتو
دەگەنمەن، كارىموۆتىڭ ولىمىنەن كەيىن بالالارىنىڭ نەمەن اينالىسىپ جۇرگەنى ءالى كۇنگە كوپشىلىككە ءمالىم ەمەس دەپ حابارلايدى fergananews-قا سىلتەمە جاساعان NUR. KZ.
يسلام كارىموۆ ەكى رەت وتباسىن قۇرعان. ءبىرىنشى جارى يزرايل ەلشىلىگىنىڭ قىزمەتكەرى ناتاليا كۋچمي، ولاردىڭ پەتر ەسىمدى ۇلدارى بار.
ول ءبىرىنشى جارىمەن 1969-جىلى اجىراسقاننان كەيىن، تاتيانا اكباروۆنامەن ەكىنشى رەت شاڭىراق كوتەرەدى. الايدا، ولاردىڭ نەكەلەرى تۋرالى رەسمي اقپارات ەش جەردە جوق.
تاتيانادان گۇلنارا (44 جاستا) جانە لولا (38 جاستا) ەسىمدى قىزدارى بار. دەرەككوزدەردىڭ ايتۋىنشا، كارىموۆتى ديكتاتور ەتكەن ەكىنشى ايەلى. ايەلى كارىموۆتى اۋىر دەرتى كەزىندە دە بيلىكتە ۇستاۋعا تىرىسقان.
ونىڭ ءبارىن جوسپارلاپ ۇيرەنگەنى سونشالىق، گۇلنارا مەن لولانى ماۋسىم ايىنىڭ باسىندا، ءبىر مەزگىلدە دۇنيەگە اكەلگەن.
كارىموۆتىڭ ءبىرىنشى ايەلىنىڭ ۇلى پەتر اپكەلەرىمەن ارالاسپايدى، لولا مەن گۇلنارانىڭ ءبىر-بىرىمەن ارالاسپاي جۇرگەنىنە 10 جىلدان اسقان. بۇعان سەبەپ - باسى داۋدان ارىلمايتىن گۇلنارانىڭ ارەكەتتەرى كورىنەدى.
گۇلنارانىڭ بۇگىندە نەمەن اينالىسىپ جۇرگەنى بەلگىسىز. ءبىر كەزدەرى «گۋگۋشا» لاقاپ اتىمەن ءان سالعان ول اكەسىنىڭ قازاسىنا ءان ارنادى.
اندە ونىڭ داۋسى عانا ەستىلىپ، ءتۇرى كورسەتىلمەيدى. تىڭدارماندارى بۇل ءاندى ول بۇرىنىراقتا جازعان دەسەدى. گۇلنارا اكەسىنىڭ جەرلەۋىنە دە قاتىسپاعان. كەي دەرەككوزدەر گۇلنارانىڭ بۇگىندە تىرىلەر قاتارىندا جوق ەكەنىن ايتادى. ەگەر ەلدەن شىعىپ ۇلگەرگەن بولسا، باتىس ەلدەرىنىڭ بىرىندە ءومىر ءسۇرىپ جاتىر دەگەن دە بولجام بار.
ب ا ق اقپاراتىنشا، لولا كارىموۆا - تيلليايەۆا كوپ ۋاقىتىن شەتەلدە وتكىزەدى. ونىڭ كۇيەۋى - تيمۋر تيلليايەۆ وتە تابىستى بيزنەسمەن. ءجاي عانا تابىستى ەمەس، وزبەكستانداعى وتە «مارتەبەلى» كاسىپكەر.
شۆەيتساريادا تۇراتىن تيلليايەۆتاردىڭ 40 ميلليون دوللار تۇراتىن جىلجىمايتىن مۇلىگى بار. اكەسىنىڭ جەرلەۋىنە بالالارى تاراپىنان لولا عانا كەلدى.
پەتر كارىموۆ بۇگىندە رەسەيگە تۇبەگەيلى كوشكەن. تۋعان جەرىمەن بايلانىستى ۇزگەن ول تۋعان ءتىلىن بىلمەيدى (دەرەككوزدەردىڭ ايتۋىنشا، گۇلنارا مەن لولا دا وزبەك تىلىندە ناشار سويلەيدى). پەتر اكەسىنىڭ جەرلەۋىنە قاتىسقان جوق.
اتا-اناسى بەس جاسىندا بالالار ۇيىنە وتكىزگەن يسلام كارىموۆ ءۇشىن تۋىستىق بايلانىستىڭ ءرولى قانشالىقتى ماڭىزدى بولعانى بەلگىسىز. سەبەبى، يسلامنىڭ ءوزى باۋىرلارىمەن مۇلدەم ارالاسپاعان. كارىموۆتىڭ جيەنى دجامشەد بيلىككە قارسىلىعى ءۇشىن جابىق ەمحاناعا جاتقىزىلعاندا، قولىندا بيلىگى ءجۇرىپ تۇرعان پرەزيدەنت ەشتەڭە ىستەمەگەن.
