قازاقستاندا جۋرناليستەردى اسكەري قيمىلعا ۇيرەتەدى
ەكسترەمالدى جۋرناليستيكا بويىنشا «اسكەري ديسكۋرس» سەمينارى قورعانىس مينيسترلىگىنىڭ مۇرىندىق بولۋىمەن ۇيىمداستىرىلىپ وتىرعان بەسىنشى سەمينارى قاراعاندى وبلىسىنىڭ «سپاسسك» وقۋ-جاتتىعۋ ورتالىعىنىڭ بازاسىندا وتەدى.
«اسكەري ديسكۋرس» پراكتيكالىق سەمينارى قازاقستاندىق جۋرناليستەردى قارۋلى قاقتىعىس ايماعى مەن ەكسترەمالدى جاعدايلاردا قازاقستاندىق جۋرناليستەردى جۇمىس جاساۋعا، سونداي-اق لاڭكەستىك اكتىلەردى جاريالاۋعا وقىتىپ-ۇيرەتۋ ءۇشىن ۇيىمداستىرىلدى.
ءۇش كۇن بويى قازاقستان قارۋلى كۇشتەرىنىڭ تاجىريبەلى اسكەري نۇسقاۋشىلارى تەوريا جانە ءىس جۇزىندە جۋرناليستەردى اسكەري ءىس-قيمىلدار وشاعىندا، ەكسترەمالدى جاعدايلاردا جۇمىس جاساۋعا جانە بۇل رەتتە ساپالى اقپاراتتىق ماتەريالدى قالاي دايىنداۋ كەرەك ەكەندىگى تۋرالى ۇيرەتەدى.
بۇل جولى سەميناردا قالالىق جاعدايلاردا، جاپپاي ءىس-شارالار مەن اكسيالاردا جاۋىنگەرلىك ءىس-قيمىل بارىسىندا جۋرناليستەردىڭ پراكتيكالىق ءىس-قيمىلدارى پىسىقتالاتىن بولادى. قورعانىس مينيسترلىگى باسپا ءسوز قىزمەتىنىڭ مالىمدەۋىنشە، مۇنداي كەزدەسۋلەر وتە پايدالى. ويتكەنى، اقپاراتتىق سالادا دەن قويۋدىڭ دۇرىس تەتىگىن پىسىقتاۋ ءۇشىن اينالادا بولىپ جاتقان وقيعالاردى جەتە تۇسىنۋگە جانە تالداۋعا مۇمكىندىك بەرەدى.
«اسكەري ديسكۋرس» پراكتيكالىق سەمينارى ب ا ق وكىلدەرىنىڭ بەلگىلى ءبىر ارنايى ءبىلىم الۋى، اقپاراتتى جيناۋ مەن تالداۋ بويىنشا ماشىقتانۋى، سونداي-اق جوعارى قاۋىپ ايماقتارىندا جۇمىس جاساۋ كەزىندە تۋىندايتىن قاۋىپ-قاتەرلەردى بارىنشا ازايتۋ شەبەرلىگىن ۇشتاۋ ماقساتىندا وتكىزىلەتىن جۋرناليستيكا باعىتتارىنىڭ ءبىرى بولىپ تابىلاتىنىن ايتا كەتۋ قاجەت.
«ايقىن»
