قانات يسلام ا ق ش بوكشىسى دجەيمس كيركلەندكە قارسى جەكپە-جەكتى رەسمي تۇردە جاريالادى
وسىعان وراي، بۇگىن قانات يسلامنىڭ ءوزى جانە ونىڭ باپكەرى نەلسون لوپەس باسپا ءسوز ءماسليحاتىن وتكىزدى، دەپ حابارلايدى قازاقپارات ءتىلشىسى.
«قۇرمەتتى قازاق ەلى، مەن وتە قۋانىشتىمىن. ءاربىر جەكپە-جەكتە قولداۋ بىلدىرەسىزدەر. سول ءۇشىن شەكسىز العىسىمدى بىلدىرەمىن. «ەلىم دەيتىن، ەرىم دەيتىن» ەل اعالارىنىڭ بارىنا ريزامىن. ەلىم دەيتىن ەرلەردىڭ بولاتىنى زاڭدىلىق. ول - اتام زاماننان قازاق تاريحىندا بار نارسە. سوندىقتان وسىنداي تاۋەلسىز ەلىمىز بار كەزدە، كوتەرەتىن تۋىمىز بار كەزدە شارشى الاڭدا ەلىمىزدى بۇكىل الەمگە تانىتۋ، ۇلتىمىزدىڭ مىقتىلىعىن كورسەتۋ - ءبىزدىڭ، ەر ازاماتتاردىڭ مىندەتىمىز. الداعى جەكپە-جەكتە قازاق ەلىنىڭ ابىرويىن بارشا الەمگە كورسەتىپ، ازاماتتىق بورىشىمىزدى تاعى دا وتەيمىز دەپ ويلايمىن»، - دەيدى قانات يسلام.
بوكسشىنىڭ ايتۋىنشا، جەكپە-جەككە كىرۋ بيلەتتەرىنىڭ باعاسى ازىرشە بەلگىسىز. قازاقستاندىق بوكسشى قانات يسلام مەن امەريكالىق دجەيمس كيركلەند استانادا جەكپە-جەك وتكىزۋى مۇمكىن دەگەن مالىمەت جاريالاندى.
ارتىنان عالامتوردا كيركلەندتىڭ قانات يسلام وتكىزگەن ءبىر جەكپە-جەكتى كورىپ وتىرعانى تۋرالى ۆيدەو دا تاراعان بولاتىن.
