ساۋىتبەك ابدراحمانوۆ: اۋەجايعا ەلباسىنىڭ ەسىمىن بەرۋ - ەلدىكتىڭ كەلىستى كورىنىسى
بۇل تۋرالى تىلشىلەرگە بەرگەن سۇحباتىندا ق ر پارلامەنتى ءماجىلىسىنىڭ دەپۋتاتى ساۋىتبەك ابدراحمانوۆ ءمالىم ەتتى، دەپ حابارلايدى قازاقپارات.
«وسىنى تاماشا شەشىم دەپ باعالايمىن. بۇكىل الەمدە قازاقستاننىڭ جاقسى اتى شىعىپ، ەكونوميكامىز قۋاتتانىپ، حالىقتىڭ ءال-اۋقاتى ارتىپ، ەلىمىزدىڭ الەمدىك ارەناداعى بەدەلى بيىكتەپ تۇرعانىندا، ارينە ءبىزدىڭ ەلباسىمىزدىڭ ەرەن ەڭبەگى بار. جاقىندا تاۋىلسىزدىكتىڭ 25 جىلدىعانا وراي قابىلداعان تاريحي دەكلاراتسيادا پارلامەنت پرەزيدەنت نۇرسۇلتان نازاربايەۆتىڭ وسى تاريحي ەڭبەگىن بەلگىلەۋ، سونداي-اق ەلدەگى بەلگىلى نىساندارعا ەلباسىنىڭ ەسىمىن بەرۋ ۇسىنىسىن جاساعان بولاتىن. سول ۇسىنىسىمىزدىڭ قابىلدانعانى وتە قۇپتارلىق. قاي جاعىنان الىپ قاراساق تا، بۇل وتە ورىندى شەشىم»، - دەدى دەپۋتات ءماجىلىستىڭ جالپى وتىرىسىنان كەيىن.
وسى ورايدا س. ابدراحمانوۆ الەمدە نىساندارعا اتاقتى تۇلعالاردىڭ ەسىمىن بەرۋگە قاتىستى مىسالدار بارشىلىق ەكەنىن اتاپ ءوتتى.
«تەك قانا مەملەكەت باسشىلارىنىڭ قۇرمەتىنە اتالعان اۋەجايلاردىڭ ءوزىنىڭ سانى 30 دان اسادى، ال تاريحي تۇلعالارعا، بەلگىلى كورنەكتى ادامدارعا ارناپ قويىلعان اۋەجايلار وتە كوپ. سوندىقتان ءبىز ونى ەلدىكتىڭ كەلىستى كورىنىسى دەپ قۋانىشپەن قابىلداپ وتىرمىز»، - دەپ اتاپ ءوتتى دەپۋتات.
بۇدان بۇرىن حابارلانعانداي، استانا اۋەجايى «نۇرسۇلتان نازاربايەۆ حالىقارالىق اۋەجايى» بولىپ اتالدى.
