الەۋمەتتىك جەلىدەگى «جازعىشتاردىڭ» پىكىرلەرى وزدەرىن جارعا جىعۋى مۇمكىن

كەزدەسۋ بارىسىندا باتىس قازاقستان وبلىستىق «ورال ءوڭىرى» گازەتىنىڭ باس رەداكتورى باۋىرجان عۇبايدۋللين مينيستردەن: «الەۋمەتتىك جەلىلەردىڭ جاۋاپكەرشىلىگى تۋرالى ورىندى ايتىپ كەتتىڭىز. شىنىندا دا الەۋمەتتىك جەلىنىڭ كەيبىر پايدالانۋشىلارى كەيدە ادامداردىڭ جەكە باسىنىڭ ار- نامىسىنا قوسا، رەسمي تۇلعالاردىڭ نەمەسە مادەنيەت، ادەبيەت سالاسىنداعى ەلگە تانىمال تۇلعالاردىڭ ار-نامىسىنا ءتيىپ جاتادى. جالپى الەۋمەتتىك جەلىدە بۇقارالىق مادەنيەتتى قالىپتاستىرۋ وتە كۇردەلى ماسەلە دەپ ويلايمىن. وسى ماسەلە جاڭادان دايىندالىپ جاتقان بۇقارالىق اقپارات قۇرالدارى تۋرالى زاڭدا قاراستىرىلعان با؟»، - دەپ سۇراعان ەدى.

ءوز كەزەگىندە مينيستر جەلىلەردە تەكسەرىلمەگەن اقپاراتتى جاريالاۋ نەمەسە ادامعا ءتىل تيگىزۋ بۇگىنگى قوعامداعى ۇلكەن پروبلەما بولىپ وتىرعاندىعىن باسا ايتتى. «بۇل ادامداردىڭ دەڭگەيىن بىلدىرەدى دەپ ويلايمىز. سيفرلىق ءىز قالادى دەگەن ماسەلە بار. ءبىز مۇنى ۇمىتپاۋىمىز كەرەك. 10-15 جىلدان كەيىن الدان شىعا كەلۋى مۇمكىن. ماسەلەن ا ق ش ۆيزا بەرۋ ءۇشىن ادامداردىڭ فەيسبۋكتە، الەۋمەتتىك جەلىدە نە جازعانىن تەكسەرەدى. سوعان ساراپتاما جاساي كەلە ۆيزا بەرمەۋى دە مۇمكىن»، - دەدى داۋرەن ابايەۆ.

اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى