داۋرەن ابايەۆ حالىقپەن ەسەپتىك كەزدەسۋ وتكىزۋدە

«وسىدان ءبىر جىل بۇرىن ەلباسىنىڭ تاپسىرماسىمەن اقپارات جانە كوممۋنيكاتسيالار مينيسترلىگى قۇرىلىپ، ونىڭ الدىنا ءبىرقاتار مىندەتتەر قويىلعانى بەلگىلى. اتاپ ايتقاندا، مەملەكەت باسشىسى جاڭا ۆەدومستۆوعا اقپاراتتىق كەڭىستىكتى نىعايتۋ مەن وتاندىق ماسس- مەديانىڭ دەڭگەيىن كوتەرۋدى، مەملەكەتتىك اقپاراتتىق ساياسات پەن مەملەكەتتىك قىزمەت كورسەتۋدىڭ تيىمدىلىگىن ارتتىرۋدى، سونىمەن قاتار سيفرلاندىرۋدى العا جىلجىتىپ، بايلانىس ساپاسىن جاقسارتۋدى تاپسىردى»، - دەدى كەزدەسۋ بارىسىندا بايانداما جاساعان مينيستر.

 ونىڭ ايتۋىنشا، ءوز كەزەگىندە مينيسترلىك وسى ماقسات- مىندەتتەر بويىنشا اۋقىمدى جۇمىستار جۇرگىزىپ جاتقاندىعىن باسا ايتتى.

 «مينيسترلىك وتاندىق اقپارات قۇرالدارىنىڭ حالىق ءۇشىن تارتىمدىلىعىن ارتتىرۋ جۇمىسىن دا جۇيەلى جۇرگىزۋدە. سونىڭ ىشىندە مەملەكەتتىك تەلەارنالار بويىنشا ۇلكەن شارالار جۇزەگە اسىپ، تەلەونىمدەردىڭ ساپاسى ارتتى. اتاپ ايتقاندا، «Kazakh TV» مەن «ءبىلىم جانە مادەنيەت» تەلەارنالارى «Kazakh TV» اتاۋىمەن بىرىكتىرىلدى. تەلەارنا كونتەنتىنىڭ ەلدەگى جانە شەتەلدەگى كورەرمەندەردىڭ قىزىعۋشىلىعىنا ساي كەلۋىنە مۇمكىندىك بەرىلدى. فورماتى وزگەرىپ، جاڭا ارناعا اينالعان «حابار 24»، بۇگىنگى كۇنى ماڭىزدى اقپاراتتاردى قالىڭ كورەرمەنگە جەدەل ءارى ساپالى جەتكىزۋدە.

 «قازاقستان»، «حابار» تەلەارنالارىندا دا مازمۇندى وزگەرتۋلەر جۇرگىزىلىپ، تەلەارنالار تالداۋ فورماتىنا كوشتى. وسى جىلدىڭ ناۋرىز ايىندا التىن قورىمىزداعى وتاندىق فيلمدەردى كورسەتەتىن «ەل ارنا» اتتى جاڭا ارنا ىسكە قوسىلدى. تەلەارنالارىمىزعا حالىقتىڭ قىزىعۋشىلىعى بۇرىنعىدان قاراعاندا ارتا تۇسۋدە.

وتكەن جىلى «قازاقستان» مەن «حابار» تەلەارنالارى 16 سەريال ءتۇسىردى، ولاردىڭ اراسىندا «اكە»، «اناعا ىڭكار جۇرەك»، «اقىلدىڭ كىلتى» سياقتى ءساتتى جوبالار بار. ءبىرقاتار وتاندىق سەريالدى كورشى مەملەكەتتەر دە تاماشالاۋدا. بيىلعى جىلدان باستاپ «وتاۋ ت ۆ» سپۋتنيكتىك وپەراتوردىڭ پاكەتىنە «قازاقستان» جانە «قازسپورت» تەلەارنالارى НD  فورماتىندا كورسەتە باستادى»، - دەدى داۋرەن ابايەۆ.

 اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى