ساياسات تانۋشى استانا اۋەجايىنا نەگە نازاربايەۆ ەسىمى بەرىلگەنىن ءتۇسىندىردى
«بۇرىننان كۇتىپ وتىرعان، دۇرىس ءارى ورىندى شەشىم. بۇرىننان دەيتىنىم، استانا اۋەجايىنىڭ اتاۋىن وزگەرتۋ ۇسىنىسى 2009 -جىلى ايتىلعان، شاتاسىپ تۇرماسام. سوندىقتان بۇل وي بۇگىن عانا تۋىپ وتىرعان جوق. ارينە، اۋەجايلارعا ەل دامۋىنا ۇلكەن ۇلەس قوسقان اتاقتى ادامداردىڭ ەسىمىن بەرۋ كوپ تارالعان پراكتيكا. پاريجدەگى شارل- دە- گول اۋەجايى، نيۋ- يوركتەگى كەننەدي اتىنداعى، ۆاشينگتونداعى رونالد رەيگان جانە ىستامبۇلداعى اتاتۇرك اۋەجايلارى بىردەن ويعا ورالادى. قازىردە كوزى ءتىرى ادامداردىڭ اتىمەن اتاۋ دا بار، ماسەلەن، ۇلكەن دجوردج بۋش اتىندا ايلاق بار، پولشاداعى لەحا ۆالەنسا اتىندا دا، جاقىندا پورتۋگاليادا اۋەجايعا رونالدۋدىڭ اتىن بەردى، وسىلاي كەتە بەرەدى. ءبىزدىڭ جاعدايدا مۇنىڭ ورىندى بولۋى پرەزيدەنت كولىك- لوگيستيكالىق ينفراقۇرىلىمدى دامىتۋعا باعىتتالعان "نۇرلى جول" سياقتى وتە ءتيىمدى مەمەلكەتتىك باعدارلامالاردىڭ اۆتورى.
بۇل باعدارلاما ءبىزدىڭ ەكونوميكانى ىلگەرلەتەدى. مىڭداعان شاقىرىمدىق جاڭا جولدار، اۆتوباندار، جاڭا اەروۆوكزالدار، تەمىرجول ۆوكزالدارى، تەرمينالدار، سونىڭ ىشىندە استانانىڭ جاڭا اۋەجايى.
ايتا كەتۋ كەرەك پرەزيدەنتىمىزدىڭ باستاماسى بويىنشا چەمپيوندارىمىزدىڭ اتى بەرىلگەن سپورت كەشەندەرى سالىندى: رىپاكوۆا، يلين، گولوۆكين اتىنداعى. سوندىقتان ەلباسىمىزدىڭ دا قازاقستاننىڭ دامۋىنا قوسقان ۇلەسىن اتاپ وتكەنىمىز ورىندى. ەندى استانانىڭ ەسكى اۆياتسيالىق كودى - TSE دە اۋىساتىن شىعار"، - دەپ ءوز ويىن ءبىلدىردى ەرلان قارين.
ەسكە سالايىق، "كازاحستانسكايا پراۆدا" گازەتىندە استانانىڭ حالىقارالىق اۋەجايىنا نۇرسۇلتان نازاربايەۆتىڭ ەسىمىن بەرۋ تۋرالى ۇكىمەت قاۋىلىسىن جاريالانعان بولاتىن.
