رەسپۋبليكالىق بيۋدجەتتىڭ باسىم بولىگى قاي وڭىرگە جۇمسالادى
2017-جىلى وڭىرلەردەگى باعدارلامالاردى دامىتۋدى قولداۋعا باعىتتالعان رەسپۋبليكالىق بيۋدجەت قاراجاتى 41 پايىزعا ارتىپ، 545,1 ميلليارد تەڭگەنى قۇرايتىن بولادى. سونىڭ ىشىندە 109,3 ميلليارد تەڭگە «نۇرلى جەر» باعدارلاماسى بويىنشا - تۇرعىن ءۇي قورىن، 104,3 ميلليارد تەڭگە - مەكتەپتەگى ءبىلىمدى دامىتۋعا جانە 71 ميلليارد تەڭگە ورتاق قولدانىستاعى اۆتوكولىك جولدارىنىڭ ساپاسىن جاقسارتۋعا جۇمسالادى.
اعىمداعى جىلدىڭ ءتورت ايىندا 142 ميلليارد تەڭگە ءبولىندى، بۇل بىلتىرعى جىلدىڭ وسى كەزەڭىمەن سالىستىرعاندا 77 پايىز ارتىق. 2017 -جىلى استاناعا بولىنەتىن 206,4 ميلليارد تەڭگە بىلتىرعى جىلمەن سالىستىرعاندا 2,5 ەسەگە كوپ. ولاردىڭ 47,6 ميلليارد تەڭگەسى جولدار مەن وڭىردەگى تۇرعىن ۇيلەردىڭ دامۋىنا باعىتتالدى. الماتىعا بولىنگەن قاراجات كولەمى كەرىسىنشە، 37 پايىزعا قىسقارىپ، بىلتىرعى جىلمەن سالىستىرعاندا 46,9 ميلليارد تەڭگەگە ازايدى. وڭتۇستىك قازاقستان وبلىسىنا بولىنەتىن ترانسفەرتتەر 2 ەسەگە ارتىپ، 42,2 ميلليارد تەڭگەنى قۇرادى.
2017 -جىلدان باستاپ رەسپۋبليكالىق بيۋدجەتتەن بولىنەتىن سۋبۆەنسيالاردىڭ كۇرت ارتقاندىعىن بايقاۋعا بولادى. ەگەر بىلتىرعى جىلى ولاردىڭ سوماسى 836,9 ميلليارد تەڭگەنى قۇراسا، بيىل 1,5 تريلليون تەڭگە (+78 پايىز) كولەمىندە باعالانۋدا. اعىمداعى جىلدىڭ باستاپقى ءتورت ايىندا جەرگىلىكتى بيۋدجەتتەن 423,3 ميلليارد تەڭگە ءبولىندى، بۇل بىلتىرعى جىلدىڭ وسى كەزەڭىندەگى قارجىلاندىرۋ كولەمىنەن 55 پايىزعا ارتىق. سۋبۆەنتسيالاردى رەسپۋبليكانىڭ 16 ءوڭىرىنىڭ 12- ءسى (الماتى، استانا، ماڭعىستاۋ، اتىراۋ وبلىستارىنان باسقا) الادى. ونىڭ باسىم بولىگى، ياعني 85,8 ميلليارد تەڭگەسى وڭتۇستىك قازاقستان وبلىسىنا تيەسىلى.
