نىعماتۋلين ۇكىمەت مۇشەلەرىنەن قويىلعان ساۋالعا ناقتى جاۋاپ بەرۋدى تالاپ ەتتى
دەپ حابارلايدى قازاقپارات.
ايتا كەتەرلىگى، دەپۋتاتتاردىڭ بانك سەكتورىن ساۋىقتىرۋ ءۇشىن ۇلتتىق قوردان قارجى ءبولۋ ماسەلەسىنە قاتىستى ساۋالىنا جاۋاپ بەرگەن ۇلتتىق بانك ءتوراعاسى دانيار اقىشيەۆ پروبلەمالى كرەديتتەر قورىنا قاتىستى ماسەلەگە ۇكىمەت مۇشەلەرى جاۋاپ بەرۋى كەرەكتىگىن ايتقان بولاتىن.
وسى رەتتە ءماجىلىس سپيكەرى اتالعان سۇراققا ۇكىمەت مۇشەلەرىنىڭ ءبىرى جاۋاپ بەرمەستەن بۇرىن ەسكەرتۋ جاساپ ءوتتى.
«سۇلتانوۆقا (قارجى ءمينيسترى) ءسوز بەرمەستەن بۇرىن ساۋال قويىلاتىن ۇكىمەت مۇشەلەرىنە ءوتىنىشىم بار. بىزدە ءتىزىم وتە ۇلكەن. جاۋاپ قارجى ءمينيسترىنىڭ بايانداماسىنان 1,5 مينۋتقا از بولدى. جالپى شولۋ ءسوز سويلەۋلەردى باسقا كەڭەستەرگە قالدىرىڭىزدار. بۇل جەردە ناقتى ساۋال قويىلدى. ەندىگە كرەديتتىك رەسۋرستار قورىنا باستاۋ قاجەت. تىكەلەي قويىلعان ساۋالعا تىكە جاۋاپ بەرىڭىز. بۇل بۇگىن جاۋاپ بەرەتىندەردىڭ بارلىعىنا دا قاتىستى. بارلىعىنىڭ دا ۋاقىتى شەكتەۋلى. ءبىز بوس اڭگىمە ايتۋ ءۇشىن جينالىپ وتىرعانىمىز جوق»، - دەدى نىعماتۋلين.
اۆتور: مارلان جيەمباي
