ە ك و-دان كوڭىلى قالعان كەلىنشەك قازاقى ىرىمنىڭ ارقاسىندا قۇرساق كوتەردى
وسىدان 12 جىل بۇرىن وتباسىن قۇرعان كەلىنشەك كوپ ۋاقىت بويى بالا كوتەرە الماي قينالعان.
دارىگەرلەرگە قارالىپ، ءتىپتى ە ك و (جاساندى جولمەن ۇرىقتاندىرۋ) ادىسىنە جۇگىنسە دە انا بولۋ ارمانى جۇزەگە اسپاعان، - دەپ جازدى Stan.kz سايتىنىڭ وڭىردەگى ءتىلشىسى.
«كۇيەۋىم ەكەۋمىز دە جۇمىس ىستەيمىز. تۇراقتى تابىسىمىز، پاتەرىمىز بەن جاقسى كولىگىمىز بولدى. ءبىراق بالا كوتەرە الماي قينالدىم. دارىگەرلەر دەنساۋلىعىمىزدان كەمشىلىك تاپپادى»، - دەپ ەسىنە الادى جاينا.
جاينانى جاقىندارى قولداپ، دەمەپ وتىرعان. كەيىننەن كۇيەۋىنىڭ اپەكەلەرى اراعا ءتۇسىپ، ىنىلەرىنە توقال الىپ بەرۋ كەرەكتىگىن ايتا باستاپتى.
«بۇل اڭگىمەنى ەستىگەنىمدە توبەمنەن جاي تۇسكەندەي بولدى. البەتتە كۇيەۋىم قارسى بولدى. ەنەم دە قولدامادى. بىزگە جاڭا تۋعان ءسابيدى اسىراپ الىڭدار دەپ كەڭەس بەردى»، - دەدى جاينا.
مۇنان سوڭ جاس وتباسى قىز بالانى اسىراپ العان. بۇگىندە ونىڭ جاسى 6 دان اسىپ قالىپتى. كەلىنشەك ءوز ەسىمىن جاسىرۋىنىڭ بىردەن ءبىر سەبەبى وسى دەپ ءتۇسىندىردى. سەبەبى، اڭساعان وتباسىندا اسىراندى بالا ەكەنىن بىلمەيدى.
«قىزىمىزدىڭ ەسىمىن اڭساعان دەپ قويدىق. كۇيەۋىم ەكەۋمىز قاتتى جاقسى كورەمىز. ءومىرىمىزدىڭ مانىنە اينالدى. ءبىراق مەن ىشتەي ءوزىم بالا كوتەرۋدى ارمانداپ ءجۇردىم»، - دەيدى كەلىنشەك.
قىزىلوردادا تۋعاندىقتان جاينا قازاقى ىرىمداردى جاقسى ءبىلىپ وسكەنىن ايتادى. ءبىراق ىرىمعا سەنە بەرمەيتىنىن جاسىرمايدى.
«كۇيەۋىمنىڭ قارىنداسى بالاسىن سۇندەتتەيتىن بولدى. جىنىس مۇشەسىنىڭ كەسىلگەن جەرىن سۇراپ الدىم. اللاعا سيىنىپ، نانمەن قوسىپ جەدىم. مۇنى كۇيەۋىمنىڭ قارىنداسى ەكەۋمىز كەلىسە وتىرىپ ىستەدىك. ول جاس بولسا دا 3 بالانى دۇنيەگە اكەلگەن. ماعان ىرىمداپ ءىش كيىمىن بەردى. تاستاماي كيىپ ءجۇردىم»، - دەيدى جاينا.
قازىر جاينانىڭ اياعى اۋىر. ىشىندەگى بالا 6 ايلىق. قۋانىشىندا شەك بولماي جۇرگەن كەلىنشەك قازاقتىڭ ىرىم- نانىمىنا سەنۋگە شاقىرادى. ە ك و- عا بار جيعانىن سالعانىمەن كەلىنشەكتىڭ قۇرساعىنا سالىنعان بالا شەتىنەپ كەتكەن. جاينا بالالاى بولۋدى زارىعا كۇتىپ جۇرگەندەردىڭ كوپ ەكەنىن، ولاردىڭ جان كۇيزەلىسىن تۇسىنگەندىكتەن ءوز تاجىريبەسىمەن ءبولىسۋدى ءجون كورگەن.
«ارينە ون جىلدان كەيىن قۇرساق كوتەرۋ مەنىڭ ورىندالعان ەڭ ۇلكەن ارمانىمنىڭ ءبىرى. وتباسىمىزدى شىنايى باقىتقا بولەگەن زور قۋانىش. مەنىڭ باسىمداعى جاعدايدا جۇرگەندەرگە پايداسى ءتيىپ قالار دەگەن ۇمىتپەن ايتىپ وتىرمىن. ءوزىم باسىندا ىرىم دەگەنگە سەنبەۋشى ەدىم. سوندا دا جاراتقاننىڭ بۇيىرتقانى دەپ بىلەم. تەك امالىن جاساپ، ارەكەتىمدى، بار مۇمكىندىكتى پايدالاندىم»، - دەيدى جاس انا.
