ات سپورتى ويىندارىنىڭ جەڭىمپازدارى ەكسپوعا جولداما الدى

ولار استانا قالاسىنداعى «ەكسپو-2017» حالىقارالىق كورمەسىنە جولداما الدى. جارىس قورىتىندىسى بويىنشا، ۇلان اۋدانى جەڭىسكە جەتسە، ەكىنشى ورىندى - كوكپەكتى، ءۇشىنشى ورىندى تارباعاتايلىق كوماندالار ەنشىلەدى.

جەڭىمپاز كوماندالار مەن سپورتشىلار 22-23- شىلدە كۇندەرى استانا قالاسىندا وتەتىن شىعىس قازاقستاننىڭ مادەنيەت كۇندەرى اياسىندا ۇلتتىق سپورت تۇرلەرىنەن ءوز شەبەرلىكتەرىن كورسەتىپ، شىعىستىڭ نامىسىن قورعايتىن بولادى.

ايتا كەتسەك، «ەكسپو-2017» كورمەسىنە كوكپار، اۋدارىسپاق، تەڭگە ءىلۋ، قىز قۋۋ، جامبى اتۋ سىندى ۇلتتىق ويىندارىمەن كوپشىلىكتى تاڭ-تاماشا ەتۋگە ش ق و- دان 60 قا جۋىق ادامنان قۇرالعان دەلەگاتسيا اتتانادى.

ەسكە سالا كەتەيىك، اتالمىش دوداعا تارباعاتاي، اباي، ۇلان، كوكپەكتى اۋداندارىنان كەلگەن كوماندالار مەن وسكەمەن قالاسىنىڭ سپورتشىلارى قاتىستى. وبلىس ورتالىعىندا باس قوسقان ەپتى دە جىگەرلى جاستار بەس كومانداعا ءبولىنىپ، كوپشىلىكتى تارتىستى ويىندارىمەن ءتانتى ەتتى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى