استانادا دۇنيەجۇزىلىك تەاتر فەستيۆالى باستالدى

 بۇل تۋرالى ق ر مادەنيەت جانە سپورت ءمينيسترى ارىستانبەك مۇحامەدي ۇلى فەيسبۋكتەگى پاراقشاسىندا حابارلادى. ءمينيستردىڭ مالىمەتىنشە، فەستيۆالعا ەۋروپا مەن ازيانىڭ جەتەكشى تەاترلارى، تانىمال سىنشىلار، دراماتۋرگتەر، قازاقستان مەن تمد ەلدەرىنىڭ مادەنيەت جانە ونەر قايراتكەرلەرى، مەرەيتوي يەسىنىڭ اتاقتى دوستارى جانە اسانالى ءاشىموۆتىڭ شىعارماشىلىعىمەن جاقىنىراق تانىسۋعا نيەت بىلدىرگەن جاس اكتەرلار قاتىسادى.


 17-26 ماۋسىم ارالىعىندا وتەتىن فەستيۆال كۇندەرى استانامىزدىڭ تۇرعىندارى مەن قوناقتارى ۇزدىك تەاتر ۇجىمدارى قويىلىمدارىن بەيبىتشىلىك جانە كەلىسىم سارايى، "استانا بالەت" تەاترى، وقۋشىلار سارايى جانە جاستار تەاترى ساحنالارىندا تاماشالاي الادى. «فەستيۆالعا ەۋروپا مەن ازيانىڭ تانىمال جەتەكشى ۇجىمدارى - ا. پ. چەحوۆ اتىنداعى ماسكەۋ كوركەم تەاترى (رەسەي) ، يانكا كۋپالا اتىنداعى ۇلتتىق اكادەميالىق تەاترى (بەلارۋس) ، قىتاي ۇلتتىق تەاترى (قحر) ، داۋگاۆپيلس تەاترى (لاتۆيا) ، كورەي رەسپۋبليكاسىنىڭ «مۋلكەل» تەاترى (وڭتۇستىك كورەيا) ، شوتا رۋستاۆەلي اتىنداعى مەملەكەتتىك كاسىبي دراما تەاترى (گرۋزيا) ، بەرلين دراما تەاترى، ك. جانتوشيەۆ اتىنداعى ىستىق- كول وبلىستىق مۋزىكالىق دراما تەاترى (قىرعىزستان) جانە وتاندىق م. اۋەزوۆ اتىنداعى قازاق مەملەكەتتىك اكادەميالىق دراما تەاترى، ق. قۋانىشبايەۆ اتىنداعى مەملەكەتتىك اكادەميالىق قازاق مۋزىكالىق دراما تەاترى، استانا جاستار تەاترى، استانا ميۋزيكل تەاترلارى قاتىسادى» ، دەلىنگەن حابارلامادا.

 ودان بولەك، كەشە «سارى- ارقا» كينوتەاترىندا ءاسانالى ءاشىموۆتىڭ 80  جىلدىعىنا ارنالعان كينواپتالىقتىڭ رەسمي اشىلۋى ءوتتى. اپتا بويى استانا قالاسىنىڭ تۇرعىندارى مەن قوناقتارى «سارى- ارقا» جانە «كەرۋەن- سيتي» كينوپارك جەلىلەرىنە بارا الادى. كينوسەانستارعا كىرۋ تەگىن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى