پرەزيدەنتتىڭ قانشا بايلىعى بارى انىقتالدى

  بۇل تۋرالى مالىمەت پرەزيدەنت ەتيكا ماسەلەلەرى جونىندەگى مەملەكەتتىك باسقارماعا ۇسىنعان ەسەپتە كورسەتىلگەن.

دونالد ترامپتىڭ كىرىسىنىڭ نەگىزگى بولىگى جىلجىمايتىن دۇنيە- مۇلىك، كۋرورتتار مەن ءوز ساۋدا بەلگىسىن ليتسەنزيالاۋدان تۇسكەن. ترامپتىڭ يەلىگىندەگى كۋرورتتاردىڭ ىشىندەگى ەڭ ايگىلىسى جانە قوجايىننىڭ ءجيى دەمالاتىن ورنى - فلوريدا شتاتىنداعى «مار- ە- لارگو» كۋرورتىندا سوڭعى 15 ايدا كىرىس كولەمى 37 ميلليون دوللارعا دەيىن وسكەن. وسىدان ءبىر جىل بۇرىن بۇل كورسەتكىش قازىرگى سومادان ەكى ەسە از بولاتىن. وتكەن جىلعى قازان ايىندا اق ءۇيدىڭ جانىندا جاڭادان اشىلعان قوناق ءۇي وسى ۋاقىتقا دەيىن 15 ميلليون دوللاردان استام كىرىس اكەلگەن. ترامپتىڭ كومپانياسىنىڭ قارىزى 300 ميلليون دوللاردان اسادى، ولاردىڭ نەگىزگى بولىگىن جىلجىمايتىن مۇلىك ساتىپ الۋعا جۇمسالعان نەسيە قارجىسى قۇرايدى.

قازىرگى ۋاقىتتا ا ق ش پرەزيدەنتىنىڭ بۇكىل بيزنەس- اكتيۆىن ونىڭ ۇلدارى جەتەكشىلىك ەتەتىن تراست قورى باسقارادى. ترامپتىڭ بۇل مۇلىكتى ساتۋدان باس تارتۋىن ساياساتكەرلەردىڭ كوبى سىناعان. وتكەن اپتادا كونگرەستىڭ 200 گە جۋىق مۇشەسى مەن ەكى شتاتتىڭ باس پروكۋرورلارى دونالد ترامپتىڭ كومپانيالارىنا جاسالعان تولەمدەر ا ق ش كونستيتۋتسياسىنىڭ كوررۋپتسياعا قارسى ەرەجەلەرىنە قايشى ەكەنىن مالىمدەپ، سوتقا جۇگىنگەن.

ازاتتىق

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى