كاسىپقوي بوكس: ۋورد كوۆاليەۆتى قارىمتا كەزدەسۋدە نوكاۋتقا ءتۇسىردى
كەزدەسۋ «حابار» ارناسىنان تىكەلەي ەفيردە كورسەتىلدى. جەكپە- جەك باستالىسىمەن امەريكالىق بوكسشى قورعانىس مانەرىندە ونەر كورسەتىپ، قارىمتا شابۋىل جاساۋمەن بولدى. سەرگەيگە قاراعاندا جىلدامىراق سوققى جاساي بىلەتىنىن كورسەتىپ، كەي تۇستاردا قارسىلاسىن قاپى قالدىرىپ جاتتى. بۇل ءتاسىل ءوز ناتيجەسىن بەرىپ، 8- راۋندتا كوۆاليەۆتى نوكاۋتقا ءتۇسىردى. ەسكە سالا كەتەيىك، قوس بوكسشى 2015 -جىلى قاراشا ايىندا كەزدەسىپ، رەسەيلىك بوكسشى ءبىر عانا ۇپايمەن (113-114) جەڭىلىس تاپقان ەدى جانە ءۇش بىردەي بەلدىگىنەن ايىرىلعان. ءبىراق كوۆاليەۆ كەزدەسۋ اياقتالىسىمەن بۇل ناتيجەگە كەلىسپەيتىنىن ايتىپ، بىردەن اندرە ۋوردتى قارىمتا كەزدەسۋگە شاقىردى. ولاردىڭ ءبىرىنشى كەزدەسۋىندەگى كەلىسىمشارتتىڭ ءبىر تارماعىندا قارىمتا كەزدەسۋگە شاقىرا الاتىنى تۋرالى جازىلعان. ال بۇل جولى ونداي كەلىسىم جوق.
اۆتور: ەربول جانات
