كوكشەتاۋدا «مەن قازاقپىن» مەگاجوباسىنىڭ جەڭىمپازدارى انىقتالدى

 حالىقتىڭ اندەرىن اۋەلەتىپ، حالىق كومپوزيتورلارىنىڭ شىعارمالارىن ناسيحاتتايتىن شارا ش. قۇسايىنوۆ اتىنداعى قازاق مۋزىكالىق دراما تەاترىندا ۇيىمداستىرىلدى. وعان قازاقستان جازۋشىلار وداعىنىڭ مۇشەسى، ايتىسكەر اقىن قۇدايبەرلى مىرزابەكوۆ، كوكشەتاۋ قالاسىنداعى ءبىرجان سال كوللەدجىنىڭ ديرەكتورى، ءداستۇرلى ءانشى سايان مۇحامەدياروۆ، ۇكىلى ىبىراي اتىنداعى وبلىستىق فيلارمونيانىڭ كونتسەرتمەيستەرى، كۇيشى ابىلسەرىك قاماشيەۆ قازىلىق ەتتى.

جوبا قورىتىندىسىنا ساي «ۇزدىك ايماقتىق ءانشى» اتالىمىنىڭ جەڭىمپازى كوكشەتاۋ قالاسىنىڭ ابىرويىن اسپانداتقان، ءانشى باۋىرجان نۇرمۇحانوۆ اتاندى. «ۇزدىك ايماقتىق كۇيشى» اتالىمىندا دا كوكشەتاۋلىق سايات بابايەۆ كوپشىلىكتەن دارالاندى. «ۇزدىك ايماقتىق تەرمەشى» اتالىمىن اقكولدىك ءنازيرا بەيسەنوۆا جەڭىپ الدى.

 جەڭىمپازدار ەلوردادا وتەتىن تەلەۆيزيالىق بايقاۋعا اقمولا وبلىسىنىڭ اتىنان قاتىساتىن بولادى. جوبانىڭ وبلىستىق كەزەڭىنە بارلىعى 25 ۇمىتكەر ىرىكتەلدى.

 ايتا كەتۋ كەرەك، ۇلتتىق ارنا ەفيرىنەن اتالمىش جوبا كورەرمەنگە اعىمداعى جىلدىڭ 3 - قىركۇيەگىنەن باستاپ جول تارتادى.

اۆتور: اسلان وسپانوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى