قازاقستاندا العاش رەت سيرەك مەتالداردى ىزدەۋ جوباسى ىسكە اسىرىلۋدا
شارا ق ر ۇكىمەتىنىڭ قاۋلىسىمەن بەكىتىلگەن «قازاقستان رەسپۋبليكاسىندا سيرەك كەزدەسەتىن جانە سيرەك جەر مەتالدارىن ءوندىرۋدى دامىتۋدىڭ 2015-2019 -جىلدارعا ارنالعان جوسپارىنىڭ» شەڭبەرىندە جۇزەگە اسپاق. تاۋەلسىز قازاقستاندا مۇنداي جوبا العاش رەت جۇزەگە اسىرىلۋدا جانە سيرەك جەر مەتالدارى شيكىزاتىنىڭ الەم نارىعىندا تاپشىلىعىنا بايلانىستى مەيلىنشە وزەكتى ماسەلە بولىپ تابىلادى.
قازاقستاننىڭ اۋماعىندا بارلىعى 18 پەرسپەكتيۆالى ۋچاسكە الدىن الا ءبولىنىپ، كومپانيا ولار بويىنشا كۇتىلىپ وتىرعان رەسۋرستاردى باعالاپ، قازاقستاندا سيرەك جەر مەتالدارىن ءوندىرۋدى دامىتۋدىڭ سالالىق باعدارلاماسىنىڭ نىسانىندا ودان ءارى باعالاۋ جۇمىستارىن جۇرگىزۋدىڭ باعىتتارىن ازىرلەيدى. «قازگەولوگيا» اق جوبانى ورىنداۋ ءۇشىن ورتالىقتارى وسكەمەن، الماتى جانە قاراعاندى قالالارىندا ورنالاسقان قازاقستاننىڭ شىعىس، ورتالىق، وڭتۇستىك جانە سولتۇستىك- باتىس وڭىرلەرىندەگى ۋچاسكەلەردى باعالاۋ ءۇشىن كومپانيا گەولوگتارىنىڭ ىشىنەن ءتورت توپ قۇردى. جوبا ءوزىنىڭ ءمانى بويىنشا تاقىرىپتىق عىلىمي زەرتتەۋلەرگە جاقىندايدى ءارى ونى ىسكە اسىرۋ ءۇشىن جوباعا عىلىمي ارىپتەس رەتىندە ق. ي. ساتبايەۆ اتىنداعى گەولوگيا عىلىمدارى ينستيتۋتى قاتىسىپ جاتىر.
سونداي- اق، جۇمىس توبىنا گەولوگيا- مينەرالوگيا عىلىمدارىنىڭ دوكتورى ب. راقىشيەۆ، گەولوگيا- مينەرالوگيا عىلىمدارىنىڭ كانديداتتارى ا. انتونەنكو، ر. گۋبايدۋللين جانە باسقا دا قازاقستاننىڭ عالىم گەولوگتارى كىردى. «قازگەولوگيا» ا ق ماماندارى كۇنى بۇگىن ورتالىق قازاقستاندا اقمايا- جانەت ۋچاسكەسىندە 408 ق. ك م، قوڭىرات ۋچاسكەسىندە 196 ق. ك م رەكوگنوستسيروۆكالىق گەولوگيالىق مارشرۋتتاردان ءوتىپ، ۋچاسكەلەردە مينەرالدانۋ ايماقتارىن زەرتتەۋ ءۇشىن ىزدەۋ مارشرۋتتارىن سالدى. بۇدان باسقا، كومپانيا ورتالىق قازاقستاننىڭ اقمايا- جانەت، قوڭىرات جانە كوكتەنكول ۋچاسكەلەرىندە بۇرعىلاۋ جۇمىستارىن ورىنداۋعا كىرىستى.
سونداي- اق، اقمايا- جانەت ۋچاسكەسىنىڭ باينازار كەن ورنىندا ماماندار ءارقايسىسىنىڭ تەرەڭدىگى 80 ق. م 2 ۇڭعىمانى بۇرعىلادى، سونداي- اق ولاردا 30 ق. م بۇرعىلانعان 3- ءشى جانە 4- ۇڭعىمالاردا جۇمىستار باستالدى.
2017 -جىلعا ارنالعان جۇمىستار جوسپارىنا سايكەس وسى جوبا بويىنشا جالپى كولەمى 1440 ق. م 18 ۇڭعىما بۇرعىلاۋ جوسپارلاندى. بۇدان باسقا، وسىنداي جۇمىستار سولتۇستىك- باتىس وڭىرىندە جۇرگىزىلۋدە، اتاپ ايتقاندا، ايىرشوقى- نادەجدينسكي ۋچاسكەسىندە كۇنى بۇگىن كولەمى 325 ك م رەكوگنوستسيروۆكالىق گەولوگيالىق مارشرۋتتار، 29 ك م ىزدەۋ مارشرۋتتارى ورىندالىپ، 22 سىناما مەن 52 ۇلگى ىرىكتەپ الىندى. سونداي- اق، گەولوگتار قوستاناي وبلىسىنىڭ ءجىتىقارا الاڭىندا ىزدەۋ مارشرۋتتارىن باستادى، تيىسىنشە شىعىس جانە وڭتۇستىك وڭىرلەرىندە قالبا ۋچاسكەسى مەن قاراقامىس الاڭىندا رەكوگنوستسيروۆكالىق جانە تاۋكەن جۇمىستارى ورىندالۋدا.
كومپانياعا 2 جىل مەرزىم ىشىندە قازاقستاننىڭ بارلىق نەگىزگى سيرەك جەر مەتالدارى كەن پروۆينتسيالارى بويىنشا دالاداعى تالدامالىق راستاۋ جۇمىستارى جۇكتەلگەن، ولاردىڭ ناتيجەلەرى بويىنشا گەولوگيالىق زەرتتەۋلەردى ودان ءارى جۇرگىزۋ جونىندەگى باعدارلاما ازىرلەنىپ، ول ق ر ينۆەستيتسيالار جانە دامۋ مينيسترلىگىنىڭ گەولوگيا جانە جەر قويناۋىن پايدالانۋ كوميتەتىنە تاپسىرىلادى.
