اكىمدەر رەيتينگىندە باۋىرجان بايبەك بارىنەن وزىپ كەتتى

سونىمەن بۇل ايدا كوش باسىندا الماتى اكىمى باۋىرجان بايبەك تۇر.

1-7-ماۋسىم ارالىعىندا جۇرگىزىلگەن ساۋالناماعا ساراپشىلار، ساياساتتانۋشىلار، قوعام قايراتكەرلەرى، بلوگەرلەر مەن جۋرناليستەر، ياعني باس-اياعى 25 ادام قاتىسقان.

وسى ايداعى رەيتينگ بويىنشا، ەكىنشى ورىنعا استانا قالاسىنىڭ اكىمى اسەت يسەكەشەۆ جايعاسقان. ەلوردا اكىمى - 12,4 داۋىس جيناپتى. ال ۇشتىكتى 12,3 داۋىسپەن قىزىلوردا وبلىسىنىڭ اكىمى قىرىمبەك كوشەربايەۆ ءتامامدادى.

ساراپشىلار ءتورتىنشى ورىنعا اقتوبە وبلىسىنىڭ اكىمى بەردىبەك ساپاربايەۆتى لايىق دەپ تاپسا، بەسىنشى ورىندى شىعىس قازاقستان وبلىسىنىڭ اكىمى دانيال احمەتوۆكە بەرگەن.

ال ناۋرىز بەن ساۋىردە 9-ورىننان كورىنگەن وڭتۇستىك قازاقستان وبلىسىنىڭ اكىمى جانسەيىت تۇيمەبايەۆ بۇل جولى التىنشى ورىننان كورىندى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى