پەنتاگون باسشىسى: سولتۇستىك كورەيا الەمدەگى قاۋىپسىزدىككە قاتەر ءتوندىرىپ وتىر
«سولتۇستىك كورەيانىڭ يادرولىق قارۋ جانە ولاردى جەتكىزۋ قۇرالدارىن قۇراستىرۋ بويىنشا جۇرگىزىپ جاتقان جۇمىستارىنىڭ قارقىنى مەن كولەمى ۇلعايدى» دەگەن ا ق ش قورعانىس ءمينيسترى.
بۇل جاعداي «بارشاعا ايقىن ءارى شىنايى قاۋىپ توندىرەتىنىن» ەسكەرتكەن مەتتيستىڭ ايتۋىنشا، سولتۇستىك كورەيانىڭ ا ق ش تەرريتورياسىنا دەيىن جەتە الاتىن يادرولىق وقتۇمسىعى بار قۇرلىقارالىق بالليستيكالىق زىمىرانعا يە بولۋى - ۋاقىت ەنشىسىندەگى ءىس. «پحەنياننىڭ تۇبىندە ونداي زىمىرانعا يە بولاتىندىعىنا شەك كەلتىرۋگە بولمايدى» دەپ سانايدى پەنتاگون باسشىسى.
سونىمەن بىرگە، كونگرەستىڭ قارۋ كۇشتەر ىستەرى كوميتەتىندەگى تىڭداۋ كەزىندە مەتتيس رەسەي پرەزيدەنتىنىڭ ا ق ش- پەن «دۇرىس قارىم- قاتىناس» ورناتۋعا ازىرلىگى بايقالمايدى دەپ مالىمدەگەن. «ۆلاديمير پۋتين ستراتەگيالىق باسەكەلەس بولۋدى تاڭدادى» دەگەن ا ق ش قورعانىس ءمينيسترى.
www.azattyq.org
