قايرات تۇنتەكوۆ: الەمگە تانىمال قازاق ءانشىسى بولسام دەيمىن
بۇل رەتتە ءانشى 7kun.kz باسىلىمىنا سۇحبات بەرىپ، ازدى- كەم جاڭالىقتارىمەن ءبولىستى.
نازارلارىڭىزعا قايراتتىڭ باسىلىمعا بەرگەن سۇحباتىنان ءۇزىندى ۇسىنامىز.
- الدا قانداي ماقساتتارىڭىز بار؟
- بۇدان كەيىن دە توقتامايمىز، العا قويعان ماقساتتار كوپ. ءۇنتاسپام بار. بيىل تاعى شىعارۋعا تىرىسامىن. بىرەۋى قازاق تىلىندە، بىرەۋى اعىلشىن تىلىندە.
- اعىلشىن ءتىلى دەمەكشى. ءبىر سۇحباتىڭىزدا ا ق ش- قا كەتەمىن دەپسىز.
- ا ق ش- قا بارۋ مەنىڭ كىشكەنتاي كەزىمنەن ارمانىم ەدى. امەريكا ونەردىڭ ورداسى عوي. بارلىعى سول جاقتان شىعىپ جاتىر. مىسالى، قاراساڭىز، ونداعى جۇلدىزداردىڭ بىرەۋى بريتانيادان، بىرەۋى يسپانيانىكى، مىسالى، ايتايىق ەنريكە يگليساس، دجەنيفەر لوپەس، PitBul بولسا برازيليالىق. امەريكادا سولار سياقتى الەمگە تانىمال قازاق ءانشىسى شىقسا دەپ ارماندايمىن. بيىل، بولماسا كەلەر جىلدىڭ باسىندا سوندا كەتەمىن دەگەن ماقساتىم بار.
- ءدال قازىر شىن تالانتقا تانىلۋعا مۇمكىندىك كوپ. جاقىندا مۇنى ديماش مۇنى دالەلدەگەن سياقتى. ايتپاقشى، ديماشتىڭ ونەرىنە قانداي باعا بەرەسىز؟
- بەس دەگەن باعا بەرەمىن.
- ءسىز ورىنداعان «SOS d'un terrien en detressە» ءانىن قانداي دەڭگەيدە الىپ شىقتى؟ كوڭىلىڭىز تولدى ما؟
- ارينە، تولدى. نەگە تولماسقا؟ قازاقستاننىڭ اتىن ميللياردتاعان ادامدارعا تانىتتى. اركىمنىڭ ءوزىنىڭ ءستيلى بار عوي. ديماشتىڭ دا كلاسسيكا جانرىنا ساي ءوزىنىڭ ەرەكشە ءستيلى بار. ونداي ءستيلىن قىتايلىقتار قالاي جاقسى كورىپ قالعانىن كوردىڭىز. سوندىقتان كىم ايتىپ شىقسا دا، وزىندىك ءستيلى بولسا، قينالماي ورىنداپ شىعادى. مەن مىسالى، نوتا جاعىنان ايىرماشىلىق تاپقان جوقپىن. ويتكەنى تۋرا ءتۇسىپ، تۋرا ايتىپ شىقتى. كەرەمەت، 5 دەگەن باعا بەرەمىن.
