چەحيا قازاقستاندى وڭىردەگى كوشباسشى رەتىندە قاراستىرادى - ميلوش زەمان
- ءسىزدىڭ 2014 -جىلى قازاقستانعا كەلگەن ساپارىڭىز ەسىمدە. سودان بەرى ەلدەرىمىز اراسىندا كوپ جۇمىس اتقارىلدى، ساياسي جانە ەكونوميكالىق سالادا ەكىجاقتى قاتىناستاردىڭ دامۋى وڭ قارقىن الىپ وتىر، - دەدى نۇرسۇلتان نازاربايەۆ.
قازاقستان پرەزيدەنتى م. زەماننىڭ مەملەكەت قايراتكەرى رەتىندە كۇن تارتىبىندەگى ءتۇرلى حالىقارالىق جانە وڭىرلىك ماسەلەلەر بويىنشا ءوزىنىڭ جەكە پىكىرى بار ەكەنىن، ول ءاردايىم وسى ارقىلى ەرەكشەلەنەتىنىن اتاپ ءوتتى. چەح رەسپۋبليكاسىنىڭ پرەزيدەنتى وزىمەن بىرگە كاسىپكەرلەر توبىنىڭ كەلگەنىن، ولاردىڭ ەكونوميكالىق بايلانىستاردى دامىتۋعا، قازاقستان ەكونوميكاسىنىڭ ءتۇرلى سالالارىنا ينۆەستيتسيا سالۋعا مۇددەلى ەكەنىن ايتتى.
- مەن چەحيا ۇكىمەتى الدىندا سويلەگەن سوزىمدە «ەكسپو-2017» حالىقارالىق كورمەسىنە قاتىسۋ قاجەتتىلىگىن ايتقان بولاتىنمىن، ويتكەنى ونى وتە ماڭىزدى ءىس- شارا دەپ سانايمىن. ونىڭ ۇستىنە ءبىز قازاقستاندى وڭىردەگى كوشباسشى رەتىندە قاراستىرامىز، - دەدى م. زەمان.
سونداي- اق، چەح رەسپۋبليكاسىنىڭ پرەزيدەنتى استانانىڭ اسەم قالا ەكەنىن ايتىپ، نۇرسۇلتان نازاربايەۆتىڭ باستاماسىمەن سالىنعان قازاقستان استاناسىنىڭ كەلبەتىندە كورىنىس تاپقان ارحيتەكتۋرالىق يدەيالاردى جوعارى باعالادى.
