قازاقتىڭ ۇلتتىق بولمىسىنا ارنالعان تۇڭعىش سوزدىك جارىققا شىقتى
«لەۆ گۋميليەۆ اتىنداعى ەۋرازيا ۇلتتىق ۋنيۆەرسيتەتى «ەكسپو-2017» حالىقارلىق كورمەسىنىڭ اشىلۋى قارساڭىندا ءدۇيىم جۇرتتان ءسۇيىنشى سۇرايتىنداي سىي دايىندادى. ۋنيۆەرسيتەت ۇجىمى تۇڭعىش رەت شەتەلدىك تۋريستەر ءۇشىن قازاق بولمىسىنىڭ مۋلتيلينگۆالدى- يلليۋستراتسيالىق سوزدىكتى ۇسىنباقشى. اتالعان ەڭبەك قازاق، ورىس، اعىلشىن، نەمىس جانە فرانسۋز تىلدەرىندە جارىق كوردى»، - دەلىنگەن رەسمي حابارلامادا.
سوزدىكتە ءاربىر ءسوز حالىقارالىق ترانسكريپتسياسىمەن بەرىلە وتىرىپ بەزەندىرىلگەن. جالپى قازاق حالقىنىڭ مادەني- تاريحي ەرەكشەلىكتەرىنىڭ وزگەشەلىگىن بەينەلەيتىن 200-دەن اسا لەكسيكالىق سوزدەر توپتاستىرىلعان. ءاربىر ءسوز جەكە- جەكە اۋدارىلىپ، يلليۋستراتسيالىق تۇسىنىكتەمەسىمەن بەرىلگەن. وندا قازاق حالقىنىڭ مادەني قۇندىلىقتارى مەن داستۇرلەرىنىڭ تولىق سيپاتتاماسى بار.
اۆتور: ارمان اسقاروۆ
