بۇگىن ماڭىزى زور ماشىقتاردىڭ ۇشتەن ءبىرى بولاشاقتا قاجەتسىز بولىپ قالادى - ءشامشيدينوۆا
ونىڭ سوزىنشە، جىلدام ءوربىپ جاتقان جاھاندىق وزگەرىستەردىڭ اسەرىنەن بۇگىن قاجەتتىلىگى اسا ماڭىزدى داعدىلاردىڭ ۇشتەن ءبىرى قاجەتسىز بولىپ قالماق.
«دۇنيەجۇزىلىك ەكونوميكالىق فورۋم بولجامدارى بويىنشا، 5 جىلدان كەيىن قازىر ماڭىزى زور ماشىق پەن داعدىلاردىڭ 35 پروتسەنتى ءوزىنىڭ قاجەتتىلىگىن جوعالتادى. وسىنداي جاعدايلاردا ادام جاڭا وندىرىستىك تەحنولوگيالارعا، اقپاراتتى بەرۋ جانە قولدانۋدىڭ جاڭا مۇمكىندىكتەرىنە، ەڭبەك قىزمەتىندەگى جانە ىسكەرلىك ومىردەگى فۋنكتسيونالدىق وزگەرىستەرگە، مادەنيەتتەردىڭ بىرلىگى مەن سانالۋاندىعىنا، ەتنوسارالىق جانە الەۋمەتتىك قاقتىعىستاردى ەڭسەرۋگە داعدىلانۋى ءتيىس»، - دەپ اتاپ ءوتتى ول بۇگىن «نازاربايەۆ ۋنيۆەرسيتەتىندە وتكەن «ءومىر بويى ءبىلىم الۋ: تۇراقتى دامۋ مۇددەسىنە ۇزدىكسىز ءبىلىم بەرۋ» اتتى حالىقارالىق كونفەرەنسيادا.
«نازاربايەۆ زياتكەرلىك مەكتەپتەرى» ا ق باسقارما ءتورايىمى ءوزىنىڭ بايانداماسىندا كەلەشەكتە ۇلكەن سۇرانىسقا يە بولاتىن ءبىرقاتار ماشىقتارعا دا توقتالىپ ءوتتى.
«جاقىندا ليسسابوندا وتكەن ە د ى ۇ- نىڭ «ءبىلىم بەرۋ-2030» جوباسىنىڭ اياسىندا وتكەن كەزدەسۋدە ءبىلىم بەرۋ سالاسىندا تەحنيكالىق، كاسىپكەرلىك جانە شىعارماشىلىق داعدىلاردى ۇشتاستىرا ءبىلۋ داعدىسىنا كۇش سالىنۋى ءتيىس.
بۇل ءوز كەزەگىندە قىزمەتكەرلەرگە جاڭا ماماندىقتاردى كەدەرگىسىز يگەرۋگە سەپتىگىن تيگىزەدى. باسكەكەگە قابىلەتتى بولۋ ءۇشىن، قىزمەتكەرلەرگە يكەمدىلىكتى، اشىقتىقتى تالاپ ەتەتىن جاڭا داعدىلاردى ۇزدىكسىز يگەرىپ وتىرعان ءلازىم»، - دەيدى ك. ءشامشيدينوۆا.
ساراپشىلاردىڭ پىكىرىنشە، قازىرگى زامانداعى ەكونوميكا گيپەرباسەكەلى جانە قارقىندى دامىپ كەلەدى. ەسكى سالالار جويىلىپ، جاڭا باعىتتار اشىلا باستادى.
دۇنيەجۇزىلىك بانكتىڭ مالىمەتتەرى بويىنشا، 2025 -جىلعا قاراي الەمدىك ەكونوميكانىڭ 46 پروتسەنتى سيفرلىق ورتادا قۇرىلاتىن بولادى. بۇگىن ونىڭ كورسەتكىشى 10 پروتسەنت. وكسفورد ۋنيۆەرسيتەتىنىڭ زەرتتەۋى كورسەتكەنىندەي، دامىعان ەكونوميكالاردا جاقىن 25- جىلى جۇمىستان ايىرىلۋ كورسەتكىشى 47 پروتسەنتكە ارتپاق.
سيتي جانە وكسفورد ۋنيۆەرسيتەتتەرىنىڭ ەسەپتەۋىنشە، قىتايدا جۇمىستىڭ 77 پروتسەنتى اۆتوماتتاندىرىلادى دەگەن قاۋىپ بار. ە د ى ۇ ەلدەرى ىشىندە بۇل كورسەتكىش 57 پروتسەنتتى قۇراماق»، - دەپ ءتۇيدى ءسوزىن ءشامشيدينوۆا.
