ريو وليمپياداسىنىڭ جۇلدەگەلەرى پاتەر كىلتىن الدى - فوتو
«ەلىمىزدىڭ «دەنە شىنىقتىرۋ جانە سپورت تۋرالى» زاڭىنا سايكەس قالانىڭ جەرگىلىكتى اتقارۋشى ورگانى وليمپيادا، پاراليمپيادا، سۋردليمپيادا ويىندارىنىڭ چەمپيوندارى مەن جۇلدەگەرلەرىن تۇرعىن ۇيمەن قامتاماسىز ەتتى، دەپ حابارلادى تاراز قالاسى اكىمدىگىنىڭ باسپا ءسوز قىزمەتىندە.
- وسى ماقساتقا رەسپۋبليكالىق بيۋدجەتتەن ەكى پاتەر ساتىپ الۋعا 19,8 ميلليون تەڭگە قاراجات ءبولىندى. تاياۋدا سالىنعان ءۇش قاباتتى تۇرعىن ءۇي وبلىس ورتالىعىنىڭ سولتۇستىك-باتىس بولىگىندە ورنالاسقان. مۇندا كومپانيا شاعىناۋدان سالادى، وندا «جاسىل ايماق»، ساۋدا ورتالىعى، بالالار الاڭدارى، سپورت قۇرىلىستارى بولادى.
«زۋلفيا عابيدۋللينا الاڭى 81,8 شارشى مەتر 3 بولمەلى پاتەر، ەلدوس سمەتوۆ - الاڭى 61,9 شارشى مەتر 2-بولمەلى پاتەر الدى»، - دەدى تاراز قالاسىنىڭ اكىمى رۇستەم داۋلەتوۆ.
«سپورتشىلارعا وسىنداي قۇرمەت كورسەتكەنى، قامقورلىق جاساعاندارى ءۇشىن ءوزىمدى باقىتتى سانايمىن! - دەدى زۋلفيا عابيدۋللينا.
بۇگىن كەرەمەت مەرەكە - بالالاردى قورعاۋ كۇنى - بىزگە ەرەكشە سىيلىق تابىس ەتىلدى. ۇلكەن راحمەت!».
ەسكە سالساق، پاراليمپيادا چەمپيونى زۋلفيا عابيدۋللينا - جۇزۋدەن ق ر حالىقارالىق دارەجەدەگى سپورت شەبەرى، ق ر ۇلتتىق قۇراماسىنىڭ مۇشەسى، الەمنىڭ 12 دۇركىن رەكوردشىسى. ريو-دە-جانەيروداعى وليمپيادا جۇلدەگەرى قازاقستاندىق دزيۋدوشى ەلدوس سمەتوۆ تە حالىقارالىق دارەجەدەگى سپورت شەبەرى.
