ماسكەۋدەگى قازاقستاندىق ستۋدەنتتەر ساياسي قۋعىن-سۇرگىن قۇرباندارىن ەسكە الدى

رەسەي فەدەراتسياسىنداعى قازاقستان رەسپۋبليكاسىنىڭ ەلشىلىگىنىڭ قولداۋىمەن ۇيىمداستىرىلعان دوڭگەلەك ۇستەل بارىسىندا «جاس تۇلپار» قازاقستاندىق ستۋدەنتتەر بىرلەستىگى «الاش» پارتياسىنىڭ 100 جىلدىق تاريحى مەن ونىڭ جەتەكشىلەرىنىڭ تاعدىرىن تالقىلادى، دەپ حابارلايدى «قازاقپارات» ح ا ا ءتىلشىسى.

«رەسەيدەگى «جاس تۇلپار» قازاقستاندىق ستۋدەنتتەر بىرلەستىگى حالقىمىز ءۇشىن، ءبىزدىڭ تاۋەلسىزدىگىمىز ءۇشىن جانىن قيعان ساياسي قۋعىن-سۇرگىن قۇرباندارىن ەسكە الۋعا ارنالعان ماڭىزدى تاريحي ءىس-شارا وتكىزىپ جاتىر.

بيىل «الاش وردانىڭ» ءجۇز جىلدىعى، سوندىقتان ءبىز - قازاقستاندىق ستۋدەنتتەر - جينالىپ، ءاربىر كەيىپكەردىڭ، ءاربىر تۇلعانىڭ ءومىرىن تالقىلاۋدى ۇيعاردىق»، - دەدى شارانىڭ ماقساتى تۋرالى ماسكەۋدەگى قازاقستاندىق ستۋدەنتتەر بىرلەستىگىنىڭ ءتوراعاسى، ر ف پرەزيدەنتى جانىنداعى مەملەكەتتىك قىزمەت جانە رەسەي حالىق شارۋاشىلىعى اكادەمياسىنىڭ ماگيسترانتى مۇحتار بايماعۇلوۆ.

شاراعا قوناق رەتىندە قازىر رەسەي استاناسىندا جۇرگەن بەلگىلى قازاقستاندىق جازۋشى جانە دراماتۋرگ دۋلات يسابەكوۆ قاتىستى.

دوڭگەلەك ۇستەل بارىسىندا قاتىسۋشىلار ءوز باياندامالارىن ۇسىنىپ، احمەت بايتۇرسىنوۆ، جۇسىپبەك ايماۋىتوۆ، ءمىرجاقىپ دۋلاتوۆ، ماعجان جۇمابايەۆ جانە باسقا دا قازاق زيالىلارىنىڭ ءومىربايانىن تالقىلادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى