شەتەلدە ادام ۇرلاعان كۇدىكتى اقمولا وبلىسىندا ۇستالدى
ءى ءى د باسپا ءسوز قىزمەتىنىڭ مالىمەتىنە قاراعاندا، كۇدىكتىنى ستەپنوگورسك قالاسىنداعى كوشەلەردىڭ بىرىندە كەتىپ بارا جاتقان كەزىندە ءتارتىپ ساقشىلارى توقتاتقان.
قۇجاتتارىن تەكسەرۋ بارىسىندا كۇدىكتىنىڭ 29 جاستاعى قازاقستاندىق جانە ونىڭ قىرعىزستان رەسپۋبليكاسىنىڭ ءى ءى م- مەن ق ر ق ك 168- بابىنىڭ 2- ءبولىمى (قاراقشىلىق) جانە 123 بابىنىڭ 2- ءبولىمى (ادام توناۋ) بويىنشا 2014-جىلدىڭ اقپان ايىنان بەرى حالىقارالىق ىزدەۋدە جۇرگەنى انىقتالدى.
«قازىرگى كەزدە، كۇدىكتى ۇستالىپ، كۋاگەرلەردەن تۇسىنىكتەمە الىندى. تەرگەۋ امالدارى ودان ءارى جالعاسۋدا، ءىس ماتەريالدارى قىرعىزستاندىق ارىپتەستەرگە جولداندى»، دەپ ءتۇسىندىردى ءى ءى د باسپا ءسوز قىزمەتى.
جالپى، جىل باسىنان بەرى وبلىس اۋماعىندا 75 قىلمىسكەر قولعا ءتۇستى. ونىڭ 16سىنا حالىقارالىق ىزدەۋ جاريالانعان.
