ۇلدى بولۋدى ارمانداعان ازامات قىز تۋىپ بەرگەن توقالىن تاستاپ كەتتى
ەلەنا (ەسىمى وزگەرتىلگەن) ءوز وقيعاسىن NUR. KZ پورتالىنا جاسىرىن تۇردە بايانداپ، وزگەلەردەن ءوزىنىڭ قاتەلىگىن قايتالاماۋىن سۇرادى.
ايەل وتباسىلى مەملەكەتتىك قىزمەتكەردىڭ توقالى اتانعان.
«اجىراسىپ، ءبىرىنشى نەكەدەن ۇل تاربيەلەپ وتىرعان كەزىم ەدى. ءبىر ەر ازاماتپەن تانىسىپ، كەيىن ونىڭ وتباسىلى ەكەنىن ءبىلدىم. الايدا تەك قىزدارى عانا بار ازامات قاتتى ۇلدى بولۋدى ارمانداپ ءجۇر ەكەن»، - دەپ ەسىنە الدى ەلەنا.
ەر ادام ەلەنادان ۇل تۋىپ بەرۋىن سۇراپ، قىر سوڭىنان قالماپتى. اقىرى جۇكتى بولعان ەلەناعا سۇيىكتىسى قامقور بولۋدى ۋادە ەتەدى. ءتىپتى نەكەسىن مەشىتتە قيدىراتىنىن دا ايتقان.
«ۋاقىت ءوتىپ جاتتى، ال ول نەكەسىن قيدىرۋعا اسىقپادى. ايەلىنىڭ كەلىسىمىن الماعانىن ايتىپ، سىلتاۋراتىپ ءجۇردى. ال كەيىن مەن قىزدى بوساناتىنىمدى بىلگەندە، ءتىپتى وزگەرىپ سالا بەردى. مەن ول كەزدە جۇكتىلىكتىڭ 16 اپتاسىندا عانا ەدىم. تۇسىك تاستاتپاق بولىپ ەدىم، ول بالانى قالدىرۋىمدى ءوتىندى»، - دەيدى ەلەنا.
ەر ادام ەلەناعا پاتەر جالداپ، ونىڭ شىعىنىن ءوز موينىنا الادى. ەلەنانىڭ قىز بوساناتىنىنا ابدەن كوزى جەتكەن ازامات اقىرى ودان الىستاي باستايدى.
ەلەنا بوسانىپ، پەرزەنتحانادان شىققاندا كۇيەۋى وعان حابارلاسىپ، تاعى دا بالانىڭ جىنىسىن سۇراپتى. ءوزى ولاردى كۇتىپ الۋعا دا كەلمەگەن.
«ول بالالى بولا الماي وتىرعان اپكەسىنە قىزىمدى بەرە سالۋىن ۇسىندى. ال ماعان باسقا ازاماتتى جولىقتىراسىڭ دەپ ات تونىن الا قاشتى. تىعىرىققا تىرەلگەننەن كەيىن مەن بۇل ۇسىنىسىنا امالسىز كونىپ، ول قىزىنا ءوز تەگىن بەردى. سول كەزدە مەن قاتتى كۇيزەلگەنىم سونشالىق، بالالارىن اجەتحاناعا لاقتىراتىن ايەلدەردى تۇسىنە باستادىم»، - دەيدى ەلەنا.
الايدا ەلەنا قىزىنان باس تارتا الماعان. قىزى ءبىر جاسقا تولعاندا سۇيىكتىسى وعان شىعىنىن تولەپ وتىرۋدى مۇلدە دوعارادى. پاتەرىنەن كوشۋگە ءماجبۇر بولعان ەلەنا جولداسىنان اليمەنت الۋ ءۇشىن ونى سوتقا بەرەدى.
ەلەنا وتباسىلى ازاماتتارعا سەنۋگە اسىقپاۋ كەرەكتىگىن ەسكەرتۋدە.
«ماعان جاقسى، نيەتى ءتۇزۋ، ءادىل ءارى اقىلدى ادام بولىپ كورىنگەن ازامات ناعىز وڭباعان بولىپ شىقتى. ول ماعان عانا ەمەس ايەلىنە دە قيانات جاسادى»، - دەيدى ەلەنا.
