ۇلتتىق كوميسسيا قازاقستاندىقتارعا ۇندى مۇقيات تاڭداۋعا كەڭەس بەردى

وسىنداي ونىمدەرگە ۇن تارتاتىن كاسىپورىندار ارنايى تاڭبا باسادى، دەپ حابارلايدى قازاقپارات. «بىزدە حالىق دەنساۋلىعى تۋرالى كودەكس بار، وندا ۇندى فورتيفيكاتسيالاۋ (بايىتۋ) مىندەتتەلگەن. الايدا جۇرگىزىلگەن مونيتورينگ مالىمەتىنشە، قازاقستاندىق نارىققا تۇسەتىن ۇننىڭ تەك 40 پايىزى فورتيفيكاتسيالانعان. زاڭ نورماسىندا ىشكى نارىقتاعى ءبىرىنشى جانە جوعارى سۇرىپتى بارلىق ۇن دارۋمەندەرمەن مىندەتتى بايىتىلۋعا ءتيىستى ەكەنى بەكىتىلگەن»، - دەپ اتاپ ءوتتى ۇلتتىق كوميسسيا ءتورايىمىنىڭ ورىنباسارى ەلەنا تاراسەنكو اتالعان كوميسسيا وتىرىسى الدىندا.

ونىڭ سوزىنە قاراعاندا، ۇن ونىمدەرى قازاقستاندىقتاردىڭ داستارحانىنا كۇندەلىكتى قويىلاتىنىن ەسكەرە وتىرىپ، ونى بايىتۋعا تەمىرتاپشىلىقتى انەمياعا قاتىستى جاعداي بايلانىستى بولىپ وتىر. دەنساۋلىق ساقتاۋ مينيسترلىگى مەن عالىمداردىڭ مالىمەتىنشە، بەس جاسقا دەيىنگى بالالاردىڭ 35 پايىزعا جۋىعى، رەپرودۋكتيۆتى جاستاعى ايەلدەردىڭ 30 پايىزى جانە ەرلەردىڭ 25 پايىزى انەمياعا شالدىققان.

قازاق تاعامتانۋ اكادەمياسى جۇرگىزگەن تالداۋعا قاراعاندا، نارىققا جەتكىزىلەتىن نان-توقاش جانە ماكارون ونىمدەرىنىڭ تەك 3 پايىزى فورتيفيكاتسيالانعان. «دۇنيەجۇزىلىك دەنساۋلىق ساقتاۋ ۇيىمىنىڭ دەرەكتەرىنە سۇيەنسەك، انەمياعا ادامداردىڭ 40 پايىزى شالدىقسا، وندا اۋرۋدىڭ ارتۋى تاۋەكەلىن ازايتۋ ءۇشىن شۇعىل شارالار قابىلداۋ قاجەتتىگى اتاپ كورسەتىلگەن. بۇل اسىرەسە رەپرودۋكتيۆتى جاستاعى ايەلدەرگە قاتىستى بولىپ وتىر، سەبەبى اۋرۋ كەيىننەن بالاعا بەرىلەدى»، - دەدى تاراسەنكو.

سوندىقتان وسى ماسەلەلەردى ەسكەرە وتىرىپ، ۇكىمەت الدىندا ۇندى فورتيفيكاتسيالاۋدى قاداعالاۋ قاجەتتىگى مەن زاڭ نورمالارىن ورىنداۋ ماقساتى قويىلىپ وتىر.

اۆتور: رۋسلان عابباسوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى