ديماشتىڭ قىتايلىق جانكۇيەرلەرى استانانىڭ بارلىق ۇلكەن ەكراندارىن ءبىر كۇنگە جالعا الدى - كەسكىن

تانىمال ءانشى ديماش قۇدايبەرگەننىڭ تۋعان كۇنىنە وراي، بۇگىن تۇنگى 00:00 گە دەيىن استانانىڭ بارلىق LED ەكراندارى تەك قانا ديماش تۋرالى بەينەروليكتەردى كورسەتەدى.

«شەتەلدىك فاناتتارعا استاناداعى ەڭ كورنەكتى LED ەكراندارمەن كەلىسىم جاساۋعا قول ۇشىن سوزدىم. LED ەكرانداردى ءبىر كۇنگە جالعا الۋعا ءبىر ميلليون تەڭگەدەن استام قاراجات جۇمسالدى، شىعىننىڭ بارلىعىن ديماشتىڭ ونەرىن ەرەكشە باعالايتىن قىتايلىق «Guardians of Dimash» فاناتتار توبى وتەدى»، - دەيدى ە ۇ ۋ- دىڭ ستۋدەنتى اقەدىل نۇربولات ۇلى.

ايتا كەتەيىك، بۇگىن 23 جاسقا تولعان قازاقستاندىق ءانشى ديماش قۇدايبەرگەنگە الەمنىڭ تۇكپىر-تۇكپىرىنەن قۇتتىقتاۋلار جولدانىپ جاتىر. بۇعان دەيىن امەريكالىق اكتريسا جانە مودەل ەۆا لونگوريا مەن ايگىلى ءانشى لارا فابياننىڭ قۇتتىقتاۋى جاريالانعان ەدى. لارا فابيان قۇتتىقتاۋىن «Happy birthday to you» انىمەن جەتكىزگەن.

اۆتور: ايجان سەرىكجان قىزى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى