شالقار مەن قازاق راديوسىن ەلىمىزدىڭ شالعاي اۋماقتارى تىڭداي باستايدى

بۇل تۋرالى ق ر اقپارات جانە كوممۋنيكاتسيالار ءمينيسترى داۋرەن ابايەۆ ايتتى، دەپ حابارلايدى قازاقپارات ءتىلشىسى. «بۇگىندە كەيبىر ايماقتاردا قازاقستاندىق راديو ارنالاردىڭ ءوزى دۇرىس ۇستامايدى. ونى ءبارىمىز جاقسى بىلەمىز. ال كورشى ەلدەردىڭ راديوسى جاقسى ىستەپ تۇر. 2020 -جىلعا دەيىن ءبىز وسى پروبلەمانى شەشىپ، شالقار مەن قازاق راديوسىن حالىقتىڭ 95 پايىزىنا جەتكىزۋدى كوزدەيمىز. بيىل ءبىر- ەكى وبلىستىڭ ماسەلەسىن شەشەمىز دەپ ويلايمىن. اسىرەسە، وڭتۇستىك قازاقستان وبلىسىندا وسى پروبلەمانى شەشۋ كەرەك»، - دەدى ابايەۆ قوعامدىق كەڭەستىڭ وتىرىسىندا.

ايتا كەتەيىك، بۇگىن ق ر اقپارات جانە كوممۋنيكاتسيالار ءمينيسترى داۋرەن ابايەۆ قوعامدىق كەڭەس مۇشەلەرى الدىندا ەسەپ بەردى. ونىڭ ايتۋىنشا، ءبىر جىلدىڭ ىشىندە ءبىراز جۇمىستار اتقارىلدى. ماسەلەن، وتاندىق سەريالداردىڭ ساپاسى جاقساردى. قازىرگى كەزدە قازاقستاندا تۇسىرىلگەن سەريالداردى رەسەي، قىتاي مەن قىرعىزستاننىڭ ارنالارى ءوز جەرىندە كورسەتىپ جاتىر.

اۆتور: ارمان اسقاروۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى