مەكتەپتەر جازدا بوس تۇرماۋى ءتيىس - مينيستر ساعاديەۆ

دەپ حابارلايدى قازاقپارات ءتىلشىسى.

«بۇگىندە بالالار مەكتەپ جانىنداعى لاگەرلەردە تەك 10 كۇن عانا جۇرە الادى. ال كانيكۋلداردىڭ مەرىزىمى - 90 كۇن. بىزدىڭشە، بۇل جەردە ۇلكەن رەزەرۆ بار. بالالار جاز بويى مەكتەپ جانىنداعى سپورتىق جانە وزگە دە لاگەرلەرگە بارا الادى. ول ءۇشىن نە ىستەۋ كەرەك؟ الدىمەن ءتيىستى جاعدايلاردى جاساۋ قاجەت. ودان كەيىن كاسىبي ماماندار، ەرىكتىلەر مەن ستۋدەنتتەر كەرەك. بوس كابينەتتەر مەن زالدار بار. الايدا وسىنىڭ ءبارىن ۇيىمداستىرۋ ءۇشىن «ءبىلىم تۋرالى» زاڭعا وزگەرىستەر ەنگىزۋ قاجەت. سوندا مەكتەپتەر ماتەريالدىق- تەحنيكالىق بازانى وزدىگىمەن پايدالانىپ، جاز بويى بالالاردىڭ دەمالىسىن ۇيىمداستىرا الادى. ال قامقورشىلىق كەڭەستەرى مەن اتا- انالار باقىلاۋ شارالارىن جۇرگىزەدى»، - دەدى ساعاديەۆ ۇكىمەتتىڭ بۇگىنگى وتىرىسىندا.

ءمينيستردىڭ ايتۋىنشا، مەكتەپتەردىڭ قوسىمشا قىزمەت كورسەتكەنى ءۇشىن تۇسەتىن اقىنى وزدەرىنە قالدىرۋ قاجەت. ودان بيۋدجەتكە كوپ شىعىن كەلمەيدى.

«ءبىز وسى ۇسىنىستى رەسپۋبليكالىق بيۋدجەت كوميسسياسىنىڭ قاراۋىنا شىعارامىز. باقىتجان ءابدىر ۇلى، سىزدەن قولداۋ كورسەتۋىڭىزدى سۇرايمىز»، - دەپ اتاپ كورسەتتى مينيستر.

ايتا كەتەيىك، بۇگىن ەرلان كەنجەعالي ۇلى جازعى كانيكۋلدا بالالاردىڭ دەمالىسىن، بوس ۋاقىتى مەن ولاردى جۇمىسپەن قامتۋدى ۇيىمداستىرۋ بويىنشا ەسەپ بەردى. بيىل 1-11- سىنىپ وقۋشىلارىنىڭ سانى 2 ميلليون 671 مىڭ بالانى قۇراپ وتىر. ولاردىڭ جازعى دەمالىسىن ۇيىمداستىرۋ ءۇشىن رەسپۋبليكادا 14 مىڭعا جۋىق دەنساۋلىق لاگەرلەرى مەن الاڭدار جۇمىس ىستەيدى. جازعى لاگەرلەر 1 ميلليون 655 بالانى، ياعني بارلىق وقۋشىلاردىڭ 61 پروتسەنتىن قامتي الادى.

 اۆتور: ارمان اسقاروۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى