الماتىدا باتىرحان شۇكەنوۆتىڭ كوپشىلىككە بەلگىسىز ءانىنىڭ تۇساۋى كەسىلەدى
«ماحابباتىڭ ءۇشىن راحمەت» اتتى كونسەرتتىك باعدارلاما باتىرحاندى ەسكە الۋعا جانە ونىڭ 55 جىلدىق مەرەيتويىن اتاپ وتۋگە ارنالادى. كونسەرتكە باتىردىڭ ونەر جولىندا بىرگە جۇمىس ىستەگەن دوستارى، مۋزىكانتتار كەلمەك. كەشتىڭ شارىقتاۋ شەگىندە ساحنادا باتىردىڭ ءوز داۋىسى ەستىلەدى. ونىڭ بۇرىن-سوڭدى ەشكىم ەستىمەگەن جاڭا ءانى وسى كەشتە شىرقالادى»، - دەپ ايتتى «قازاقپارات» ح ا ا تىلشىسىنە باتىرحان شۇكەنوۆ اتىنداعى قوعامدىق قوردىڭ ديرەكتورى ولجاس بايقانوۆ.
«باتىر دالەر نازاروۆتىڭ البومىمەن ءوزى جەكە جۇمىس ىستەدى جانە ۆالەري مەلادزەنىڭ ءبىرقاتار اندەرىنىڭ جازىلۋىنا قاتىستى. الەمنىڭ تۇپكىر-تۇپكىرىنەن - فرانسيا مەن ا ق ش- تان جينالعان دجاز-روك باعىتىنداعى توپ بولادى. بارشاڭىز بىلەتىندەي، باتىرحان شۇكەنوۆ تەك ءانشى ەمەس، سونداي-اق ساكسوفونشى رەتىندە بىرنەشە رەت دجەم-سەيشندە ونەر كورسەتكەن. وكىنىشكە وراي، وسى كونسەرتكە «ا'ستۋديو» توبى كەلە المايتىن بولدى»، - دەدى و. بايقانوۆ.
قوعامدىق قور باسشىسىنىڭ سوزىنە قاراعاندا، كونسەرت بيلەتتەرى ساتىلىمدارىنان تۇسكەن قارجىعا «ماحابباتىڭ ءۇشىن راحمەت» اتتى جاڭا البوم شىعارىلماقشى. ءاننىڭ اۆتورلارىمەن كەلىسىم جاسالعان. ونىڭ تۇساۋكەسەرى كۇزگە جوسپارلانعان. باتىرحان شۇكەنوۆتىڭ مەرەيتويىنا ارنالعان «ماحابباتىڭ ءۇشىن راحمەت» كونسەرتىنىڭ رەجيسسەرى - الىشەر سۇلەيمەنوۆ. ەسكە الۋ كەشىن ساعناي ابدۋللين مەن جانار دۇعالوۆا جۇرگىزەدى.
