تۇڭعىشباي جامانقۇلوۆ سوت الدىندا جاۋاپ بەردى

سوتتالۋشى تۇڭعىشباي جامانقۇلوۆ ءوزىنىڭ قىلمىس جاساعانىن مويىنداماي، سۋديادان بارلىق ايىپتاۋلاردى الىپ تاستاۋىن سۇرادى. «ءومىرىمنىڭ وسى شاعىندا مۇنداي جاعدايعا تۇسەمىن دەپ ويلاماپپىن. بار ويىم تەك جاقسى فيلم ءتۇسىرۋ عانا بولدى. مەن اقشا جۇمساۋمەن مۇلدە اينالىسپادىم. مەن پروديۋسەر بولدىم. پروديۋسەر دەگەنىمىز يدەيالىق جاعىنان جۇمىلدىرۋشى ادام. وسى جەردە وتىرعان مەنىڭ توبىمدا يۋدينادان باسقا ەشكىم مەنى اقشا الدى دەگەن جوق. مەن - اقپىن. ونى ءسىزدىڭ الدىڭىزدا، قۇدايدىڭ الدىندا ايتا الامىن»، - دەدى ت. جامانقۇلوۆ.

ايتا كەتۋ كەرەك، مەملەكەتتىك ايىپتاۋشى ءىستىڭ باس سوتتالۋشىسى تۇڭعىشباي جامانقۇلوۆتى 7 جىلعا باس بوستاندىعىنان ايىرۋدى جانە جازانى جەڭىلدەتەتىن ماسەلەلەردى، ايىپتالۋشىنىڭ جاسىن ەسكەرە وتىرىپ، اتالعان مەرزىمدى 2 ەسەگە، ياعني، 3 جىل 9 ايعا قىسقارتىپ، جازاسىن شارتتى تۇردە تاعايىنداۋدى سۇرادى.

ايتا كەتەيىك، تەرگەۋ انىقتاعانداي، «قازاق فيلم» ا ق «فەنيكس» فيلمىن ءتۇسىرۋ ءۇشىن قاراجاتتى «ت. ك. TURAN UNIVERSAL BUSINESS»  ج ش س- نە اۋدارعان. قارجى قوسالقى مەردىگەرلىك ۇيىمدار ارقىلى اتالعان كومپانيانىڭ قۇرىلتايشىسى ءارى كارتينانىڭ پروديۋسەرى ت. جامانقۇلوۆقا قولما-قول بەرىلگەن. قارجىنى قولدى قىلۋعا «قازاق فيلم» ا ق- نىڭ ەكونوميكا جانە قارجى جونىندەگى باسقارۋشى ديرەكتورى گ. ىسقاقوۆا مەن فيلمنىڭ اتقارۋشى پروديۋسەرى ن. يۋدينانىڭ دا قاتىسى بولعانى انىقتالدى. وتكەن جىلدىڭ 2 -قاراشاسىندا اتالعان اقشانى جىمقىردى دەگەن كۇدىكپەن ت. جامانقۇلوۆ ۇستالعان بولاتىن.

اۆتور: گۇلميرا عوسمانالي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى