تانىمال سپورتشى جانقوش تۇراروۆ اكە اتاندى - فوتو
بۇل تۋرالى سپورتشىنىڭ جارى كلارا يسا Instagram پاراقشاسىندا جازعان.
«اللاحقا سانسىز شۇكىرلەر مەن ماداقتاردان بولسىن! بۋگىن جانقوش تۇراروۆ ەكەۋمىز سۇلۋ قىزدىڭ اتا-اناسى اتاندىق! ءالحامدۋليللاح ەكەۋمىزدىڭ دە دەنساۋلىعىمىز جاقسى»، - دەپ جازعان ول.
كەيىننەن جانقوش تا قازاق ەلىنەن ءسۇيىنشى سۇراپ، قىزدى بولعانىن حابارلادى.
«ءيا، اللا كوردىم بە، كورمەدىم بە؟!
ءيا، ءتاڭىرىم، بەردىڭ بە، بەرمەدىڭ بە؟!
شىرىلداعان ۇنىڭنەن اينالايىن،
شىنىمەنەن ومىرگە كەلگەنىڭ بە؟!
قىزىم بولساڭ - قىرىمدا قۇرالايسىڭ،
ۇلىم بولساڭ - ۇلى ءبىر مۇرادايسىڭ.
ەستيسىڭ بە، ەسى جوق، ەي، دۇنيە،
مەنەن نەگە ءسۇيىنشى سۇرامايسىڭ؟!
اللاعا شۇكىر! اللانىڭ جاقسىلىعى عوي. بۇگىن اكە بولدىم! دۇنيەگە قىزىم كەلدى! ءوزىم ا ق ش- تا بولسام دا ءسۇيىنشى، قازاق ەلى!»، - دەپ جازعان قۋانىشى قوينىنا سىيماعان سپورتشى.
