قاھارمان بابالارىمىزدىڭ ارقاسىندا ءبىز الەۋەتتى مەملەكەتتە ءومىر ءسۇرىپ جاتىرمىز - ابايەۆ
«ءقادىرلى دوستار! بارشاڭىزدى وتان قورعاۋشىلار كۇنىمەن جانە الدا كەلە جاتقان جەڭىس كۇنىمەن شىن جۇرەكتەن قۇتتىقتايمىن! ورايلاس كەلگەن قوس مەرەكە اياسىندا وتانىمىزدىڭ بۇكىل تاريحىندا ەل قورعاعان ارىستارعا قۇرمەت كورسەتۋ، سونداي-اق قازىرگى كۇنى حالقىمىزدىڭ اماندىعىن كىرپىك قاقپاي قورعاپ جۇرگەن ەرلەرىمىزدى ۇلىقتاۋ - بۇگىنگى ۇرپاقتىڭ پارىزى»، - دەپ جازدى ول فەيسبۋكتەگى پاراقشاسىندا.
سونداي-اق، مينيستر ەل قورعاۋدا قاھارماندىقتىڭ ەرەن ۇلگىسىن كورسەتكەن بابالارىمىزدىڭ ارقاسىندا ءبىز بىرلىك پەن كەلىسىم سالتانات قۇرعان الەۋەتتى مەملەكەتتە ءومىر ءسۇرىپ جاتقانىمىزدى ايتىپ ءوتتى.
قۇتتىقتاۋ ءماتىنىنىڭ سوڭىندا ول قازاقستاندىقتارعا اق تىلەگىن ارنادى: «قارۋلى كۇشتەرىمىزدىڭ ايبىنى اسقاقتاي بەرسىن! اسپانىمىز اشىق، بەيبىت ءومىرىمىز باياندى بولسىن».
