الامان بايگەگە اۆتوموبيل تىگىلدى

بايگەنىڭ جەڭىمپازى سىيلىق رەتىندە اۆتوموبيل الادى، دەپ حابارلايدى «قازاقپارات» ح ا ا ءتىلشىسى.

«بۇل جارىستاردى جەڭىس كۇنى وتكىزىپ جاتقانىمىز كەزدەيسوقتىق ەمەس. بۇل - ءبىزدىڭ بولاشاق وتان قورعاۋشىلارىمىزعا ەرلىك پەن باتىلدىقتى ناسيحاتتايتىن ۇلتتىق سپورت ءتۇرى بولىپ تابىلادى»، - دەدى اۋدان اكىمى اليمۇحامەد قۇتتىمۇرات ۇلى.

الامان بايگە جارىسى 24 شاقىرىم ارالىقتا وتكىزىلەدى، جەڭىمپاز - «ۋاز-پاتريوت» اۆتوموبيلىنە يە بولسا، 2- جانە 3- ورىن يەگەرلەرى - 700 جانە 400 مىڭ تەڭگە كولەمىندە قارجىلاي سىياقى الادى.

كوكپار ويىنىنىڭ جەڭىمپازىنا ءبىرىنشى ورىن العانى ءۇشىن 400 مىڭ تەڭگە، ال 2- جانە 3- ورىن يەگەرلەرىنە سايكەسىنشە 300 جانە 100 مىڭ تەڭگە تابىستالادى. ءىس-شارانى ماحامبەت اۋدانىنىڭ اكىمدىگى ۇيىمداستىرىپ، سىياقىلار دەمەۋشىلىك قارجىلار ەسەبىنەن بەرىلەدى.

جارىس 9- مامىر كۇنى ساعات 11:00 دە اقتوعاي اۋىلىنا جاقىن جەردە اتىراۋ-ورال تاسجولىنىڭ 77 شاقىرىمىندا وتەدى.

الامان بايگەنى تاماشالاعىسى كەلەتىن قالا تۇرعىندارىنا كولىك بەرىلەدى. ول 9- مامىر كۇنى ساعات 10:00 دە «نۇر وتان» پارتياسىنىڭ قالالىق بولىمشەسىنەن جولعا شىعادى. قالاعا كەلۋ ۋاقىتى - 14.00.

قاتىسۋشىلاردى تىركەۋ 4-7- مامىر ارالىعىندا.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى