استانادا ماماندىقتى تەگىن الۋعا بولاتىن كۋرستار ءتىزىمى بەكىتىلدى

اتاپ ايتقاندا، ەلەكترگاز دانەكەرلەۋشى، سلەسار-سانتەحنيك، ناۋبايشى، كونديتەر، تىگىنشى، ەسەپشى جانە تاعى باسقا ماماندىقتار بيۋدجەت ەسەبىنەن وقىتىلاتىن بولادى.

سونداي-اق شارا بارىسىندا «ساۋدا مەنەدجەرى» ماماندىعى جانە كومپيۋتەرلىك ساۋات اشۋ داعدىلارى بويىنشا قىسقا مەرزىمدى وقىتۋ كۋرستارىن ۇيىمداستىراتىن ءبىلىم بەرۋ ۇيىمدارى انىقتالدى.

بارلىعى وزدەرىنىڭ مۇمكىندىكتەرىن 5 وقىتۋ ۇيىمى مەن كوللەدجدەردىڭ وكىلدەرى تانىستىردى. ناتيجەسىندە كوميسسيا مۇشەلەرى 3 ءبىلىم بەرۋ ۇيىمىن ىرىكتەپ الدى. ولار - «ەۋرازيا گۋمانيتارلىق ينستيتۋتىنىڭ كوللەدجى»، «استانا قالاسى مەنەدجمەنت جانە بيزنەس كوللەدجى» ج ش س جانە «اسۋ» گۋمانيتارلىق تەحنيكالىق كوللەدجى».

ۆەدومستۆوارالىق كوميسسيا قۇرامىنا قالالىق ماسليحات دەپۋتاتتارى، حالىقتى جۇمىسپەن قامتۋ، ەڭبەك جانە الەۋمەتتىك قورعاۋ، ءبىلىم بەرۋ، كاسىپكەرلىك جانە ونەركاسىپ، ەكونوميكا جانە بيۋدجەتتىك جوسپارلاۋ باسقارمالارىنىڭ، حالىقتى جۇمىسپەن قامتۋ ورتالىعىنىڭ جانە استانا قالاسى بويىنشا كاسىپكەرلەر پالاتاسىنىڭ وكىلدەرى كىرەدى.

ەسكە سالا كەتەيىك، 2017-جىلى ناتيجەلى جۇمىسپەن قامتۋ جانە جاپپاي كاسىپكەرلىكتى دامىتۋدىڭ 2017-2021-جىلدارعا ارنالعان باعدارلاماسى اياسىندا ت ج ك ب ماماندىقتارى بويىنشا 1050 ادامدى تەگىن كاسىبي وقىتۋمەن قامتۋ كوزدەلگەن. ودان باسقا، رەسمي جۇمىسسىز رەتىندە تىركەلگەن 500 ادام دايارلاۋ جانە قايتا دايارلاۋ كۋرستارىنان وتپەك.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى