بۇگىن قاراعاندىدا جاۋىنگەرلىك ارالاس جەكپە-جەكتەن قازاقستان چەمپيوناتى باستالادى

وبلىس ورتالىعىندا ەلىمىزدىڭ ۇزدىك سپورتشىلارى باس قوسادى، دەپ حابارلايدى وبلىس اكىمدىگىنىڭ رەسمي سايتى.

بيىل چەمپيونات جاڭا ەرەجەلەرمەن وتكىزىلەدى، وعان العاش رەت ايەلدەر قاتىسادى. جەكپە-جەكتەر قايتا قۇرىلعان قازاقستاننىڭ م م ا قاۋىمداستىعىنىڭ قامقورلىعىمەن وتكىزىلەدى. وعان قازاقستاننىڭ ارالاس جەكپە-جەكتەر م م ا فەدەراتسياسى كىرەدى.

چەمپيونات توعىز سالماق ساناتىندا وتەدى. ايەلدەردىڭ قاتىسۋىمەن كورنەكى جەكپە-جەكتەر وتەدى. ونىڭ ناتيجەسى سپورتشىلاردىڭ دايىندىق دەڭگەيىن انىقتايدى. جارىسقا 52,2-56,7 كەلى، 61,2 كەلىگە دەيىنگى، 65,8 كەلىگە دەيىنگى جانە 70,3 كەلىگە دەيىنگى سالماق ساناتىنداعى قىزدار قاتىسادى.

جاڭا ەرەجەلەر ق ر مادەنيەت جانە سپورت مينيسترلىگىمەن بەكىتىلدى جانە IMMAF حالىقارالىق ارالاس جەكپە-جەكتەر فەدەراتسياسىنىڭ تالاپتارى مەن ستاندارتتارىنا سايكەس كەلەدى.

جەڭىمپازدار قازاقستاننىڭ ۇلتتىق قۇراماسىنا كىرەدى جانە بيىل سينگاپۋر مەن باحرەيندە وتەتىن ازيا جانە الەم چەمپيوناتتارىندا ەل نامىسىن قورعايدى. الدىن الا جەكپە-جەكتەر 28 جانە 29- ساۋىردە ساعات 10.00 دا، ال فينالدىق جەكپە-جەكتەر 29- ساۋىردە ساعات 18.00 دە بولادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى