اسەت يسەكەشيەۆ ەلورداداعى ەڭ ۇزدىك ۋنيۆەرسيتەتتى اتادى

بايقاۋ اياسىندا ساكەن سەيفۋللين اتىنداعى قازاق اگروتەحنيكالىق ۋنيۆەرسيتەتى ەڭ ۇزدىك دەپ تانىلدى، دەپ حابارلايدى قازاقپارات.

 اتالعان جوعارى وقۋ ورىننىڭ ستۋدەنتتەرى استانادا ەڭ تالانتتى جاستار رەتىندە تانىلدى. جاستار فەستيۆالىنىڭ اياسىندا 9 نوميناتسيا بويىنشا ءارتۇرلى بايقاۋلار وتكىزىلدى. «ەسترادالىق ءان»، «حالىق ءبيى»، «ەڭ ۇزدىك جانكۇيەرلەر بايقاۋى»، «ەڭ ۇزدىك بەينەروليك»، «ەڭ ۇزدىك اسپاپشى»، «پوەتيكالىق بايقاۋ»، «زياتكەر»، «ۇزدىك تەاتر قويىلىمى» جانە «فوتوبايقاۋ» اتالىمدارى بويىنشا تانىمال ونەر مەن مادەنيەت وكىلدەرى جەڭىمپازداردى سالتاناتتى تۇردە ماراپاتتادى.

 شارانىڭ ماقساتى - جاستاردىڭ ازاماتتىق جانە شىعارماشىلىق بەلسەندىلىگىن ارتتىرۋ، دارىندى جاستاردى انىقتاۋ جانە تاۋەلسىزدىك تاعىلىمىن تانىتا وتىرىپ، پاتريوتتىق رۋحتا تاربيەلەۋ. فەستيۆالعا ەلوردانىڭ جوعارى جانە كاسىپتىك- تەحنيكالىق وقۋ ورنىنان 3000-نان اسا ستۋدەنت قاتىستى. جىل سايىنعى «جاستار جالىنى» فەستيۆالى دارىندى، بەلسەندى جانە ماقساتتى استانا جاستارىنىڭ سۇيىكتى مەيرامىنا اينالدى.

 «استانا - جاستار قالاسى. مۇندا 250 مىڭ جاس، كرەاتيۆتى، بەلسەندى ادام تۇرادى. بۇگىن وسىندا ءبىزدىڭ ەلىمىزدىڭ بولاشاعى جينالىپ وتىر. اتاقتى كاسىپكەر دجەك ما مەملەكەت باسشىسى نۇسرۇلتان نازاربايەۆپەن بولعان كەزدەسۋىندە ەڭ قيىن جۇمىستارعا 22 مەن 29 جاس ارالىعىنداعى ادامداردى الاتىنىن ايتتى. سەبەبى ولار باتىل، بەلسەندى، كرەاتيۆتى بولىپ كەلگەندىكتەن، ولار كومپانيانى كەرەمەت جەتىستىكتەرگە جەتەلەپ كەلەدى دەگەن بولاتىن»، - دەدى اسەت يسەكەشيەۆ سالتاناتتى شارادا.

اۆتور: جاسۇلان جولدىبايەۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى