ءۇيدىڭ باعاسى ارزاندايدى
ساراپشىلاردىڭ پىكىرىنشە، بيىلعى جىلدىڭ العاشقى ءۇش ايىندا قازاقستاندا شامامەن 50,7 مىڭ كەلىسىمشارت جاسالعان. ەكونوميكالىق ءوسىمنىڭ السىرەۋى مەن ينفلياتسياعا قاراماستان، 2016 -جىلى نارىقتاعى جوعارى كوتەرىلگەن ترەند بيىل دا جالعاسىن تاپپاق.
«ەلدىڭ شەتەل ۆاليۋتاسىندا ساقتاعان قاراجاتىنىڭ ارقاسىندا قازىر جىلجىمايتىن مۇلىك ساۋداسى قايتا قارقىن الا باستادى»، - دەيدى ساراپشى اننا شاتسكايا.
ونىڭ ايتۋىنشا، تەڭگەنىڭ تۇراقتانۋى مەن شيكىزات باعاسىنىڭ قايتا كوتەرىلۋى ەلدىڭ تولەم قابىلەتىنە وڭ اسەر ەتۋدە.
ال ساراپشى ماريا رەننىڭ پىكىرىنشە، وتكەن جىلدىڭ العاشقى ءۇش ايىنداعى جاسالعان ساۋدا كەلىسىمشارتى وتكەن جىلدىڭ وسى ۋاقىتىمەن سالىستىرعاندا 30,9 پايىزعا ۇلعايعان. ەستەرىڭىزگە سالا كەتەيىك، 2016 -جىلعى ءوسىم 2015 پەن سالىستىرعاندا 10,1 پايىز عانا ۇلعايعان ەدى.
سونىمەن قاتار جاڭا پاتەرلەردىڭ كوپتەپ سالىنۋى ەلدىڭ سۇرانىسىن ارتتىرىپ جاتىر. ال قايتالاما نارىقتاعى باعا وسىنىڭ اسەرىنەن قىمباتتاماي، ءبىر ورىنعا تۇراقتاپ تۇر.
دەگەنمەن، كەي ساراپشىلار بيىل قايتالاما نارىقتاعى ۇيلەردىڭ باعاسىنىڭ تۇسەتىنىن ايتادى. ايتا كەتەيىك، جىل باسىنان بەرى ءۇش ايدا قايتالاما نارىقتاعى باعا رەسپۋبليكا بويىنشا 4 پايىزعا ارزانداعان.
الدىن الا بولجام بويىنشا، جىل سوڭىنا دەيىن وسى قارقىن ساقتالىپ، اي سايىن شامامەن باعا 0,9 پايىزعا ارزانداپ وتىرادى. ناتيجەسىندە، 2017 -جىلدىڭ سوڭىنا دەيىن باعا 10-12 پايىز ارزاندايدى دەگەن جورامال بار.
دەرەككوز: egemen.kz
