قانات يسلام : «كانەلومەن» گولوۆكيننەن بۇرىن مەن جەكپە- جەك وتكىزۋىم كەرەك
ءبىرىنشى ورتا سالماقتاعى WBO Intercontinental جانە WBA Fedelatin بەلبەۋلەرىنىڭ يەگەرى قازاقستاندىق بوكسشى قانات «QAZAQ» يسلام worldboxingnews.net پورتالىنا بەرگەن سۇقباتىندا گەننادي گولوۆكين جانە ساۋل «كانەلو» الۆارەسپەن جەكپە- جەك تۋرالى سونداي- اق الداعى جوسپارلارى تۋرالى ايتىپ بەردى.
«گولوۆكينمەن جەكپە- جەككە قاتىستى ساۋالدى مەن كوپ ەستىپ ءجۇرمىن. مەن گەنانى دوسىم رەتىندە، چەمپيون رەتىندە، اعام رەتىندە قاتتى سىيلايمىن. ول كوك تۋدى جەلبىرەتىپ جۇرگەن قازاقتىڭ باتىرى. ا ق ش- تا، مەكسيكا مەن ۇلىبريتانيادا تۇسىنىك بولەك، قازاق ەلىندە تۇسىنىك باسقا. ءبىزدىڭ ەل ءۇشىن اتاقتان بۇرىن باۋىرمالدىق ءبىرىنشى ورىندا تۇرادى. گولوۆكين ەكەۋمىز ءبىر- ءبىرىمىزدى ساباعانشا، ول ءوز سالماعىندا مەن ءوز سالماعىمدا چەمپيون بولۋ الدەقايدا ارتىق دەپ ويلايمىن.
گەننادي گولوۆكين قازىر الەمگە ايگىلى بوكسشى. وعان تەك قازاقستاندىق جاستار ەمەس، الەم جاستارى ەلىكتەيدى. GGG قارسىلاسىن ءبىرىنشى راۋندتا- اق رينگكە شىققانىنا وكىندىرەتىن وتە تالانتتى بوكسشى. ءوز سالماعىندا گەناعا شاق كەلەتىن قارسىلاس جوق. ءيا، ول ءوز سالماعىنىڭ پاتشاسى!"، - دەيدى قانات يسلام.
سونداي- اق وتانداسىمىز قازاقستاندا قازىر جوعارى دەڭگەيلى بوكس كەشتەرىن ۇيىمداستىرۋعا مۇمكىندىك بار ەكەنىن دە ايتىپ، گولوۆكيننىڭ قازاقستاندا جەكپە- جەك ۇيىمداستىرۋ تۋرالى پىكىر ءبىلدىردى.
«قازىر قازاقستاندا 10,20,30 جانە 40 مىڭ جانكۇيەردى قۇشاعىنا سىيدىرا الاتىن سپورت كەشەندەرى بار. گولوۆكيننىڭ قاتىسۋىمەن وتەتىن جەكپە- جەك كەشىن EXPO-2017 كەزىندە ۇيىمداستىرۋعا بولاتىن ەدى. ءبىراق ولاي بولمايتىن شىعار. ويتكەنى، گولوۆكيننىڭ ءوز جوسپارى بار. ارينە، گولوۆكيننىڭ قازاقستاندا جەكپە- جەك وتكىزگەنىن مەن دە قالايمىن. بۇل جانكۇيەرلەر ءۇشىن ۇلكەن سىي بولار ەدى»، - دەيدى بوكسشى.
سۇقباتىنىڭ سوڭىندا بوكسشى الداعى جوسپارلارى تۋرالى ايتا كەتىپتى.
«الداعى ۋاقىتتا «كانەلومەن» گولوۆكيننەن بۇرىن مەن جەكپە- جەك وتكىزۋىم كەرەك. ويتكەنى، ول ءبىزدىڭ سالماقتىڭ چەمپيونى. سوڭعى جەكپە- جەگىمنەن كەيىن مەن ساۋلدى جەكپە- جەككە شاقىردىم. ول چاۆەسپەن كەزدەسىپ بولعاننان كەيىن مەنىڭ شاقىرتۋىمدى قابىل الاتىن شىعار.
«كانەلو» مەن گولوۆكيننىڭ اراسىنداعى كەزدەسۋدى كوپتەگەن جانكۇيەرلەر كۇتىپ وتىر. ەگەر ەكى بوكسشىنىڭ كومانداسى جەكپە- جەك تۋرالى كەلىسىمگە كەلسە، مەن GGG- دىڭ جەڭىسكە جەتەتىنىنە سەنىمدىمىن. ويتكەنى، ول شىنىندا مىقتى بوكسشى»، - دەيدى يسلام.
ەسكە سالايىق، قانات يسلام كەلەسى جەكپە- جەگىن 26 - مامىر كۇنى فلوريدا (ا ق ش) قالاسىندا وتكىزەدى. وتانداسىمىزدىڭ قارسىلاسى مەكسيكالىق نوربەرتو گونسالەس بولادى. بۇل جەكپە- جەكتە ءبىرىنشى ورتا سالماقتاعى WBO NABA جانە WBA intercontinental بەلبەۋلەرى ساراپقا سالىنادى.
vesti.kz
