وڭتۇستىك قازاقستان وبلىسى شەگىرتكەنى قاناتتانباي تۇرىپ، جويىپ جىبەرۋگە كىرىستى - فوتو
وسى ورايدا، ارىس قالاسى مەن ورداباسى اۋدانى شەكتەسەتىن دەرمەنە اۋىلدىق وكرۋگى ايماعىنا جاقىن باتىر اتا اۋىلدىق وكرۋگىندە ارىس قالاسىنىڭ اكىمى م. قادىربەك پەن ورداباسى اۋدانىنىڭ اكىمى ا. مامىتبەكوۆ، اۋىل شارۋاشىلىعى سالاسىنىڭ ماماندارى جانە اۋىل تۇرعىندارىنىڭ قاتىسۋىمەن شەگىرتكەگە قارسى كۇرەستى ساپالى جۇرگىزۋ ماقساتىندا جيىن ءوتتى.
سونىمەن قاتار، قوجاتوعاي اۋىلدىق وكرۋگىنە قاراستى اۋماقتا ارىس قالاسىنىڭ اكىمى م. قادىربەك پەن وبلىستىق اۋىل شارۋاشىلىعى باسقارماسىنىڭ باسشىسى س. تۇربەكوۆ، ارىس اۋدانىنىڭ پروكۋرورى ن. قوسبايەۆ، قالالىق توتەنشە جاعدايلار ءبولىمىنىڭ باستىعى ە. ءابدىقۇلوۆ، وبلىستىق اۋماقتىق ينسپەكتسياسى جانە «رەسپۋبليكالىق فيتوسانيتارلىق دياگنوستيكا جانە بولجامداۋ ادىستەمەلىك ورتالىعى» مەملەكەتتىك مەكەمەسىنىڭ وڭتۇستىك قازاقستان وبلىستىق فيليالىنىڭ جاۋاپتى ماماندارى، قالا جانە اۋىلدىق وكرۋگ اكىمدىكتەرىنىڭ قىزمەتكەرلەرىنىڭ قاتىسۋىمەن شەگىرتكەگە قارسى كۇرەستى ساپالى جۇرگىزۋ ماقساتىندا جيىن ءوتتى.
قالا اكىمى مۇرات بولات ۇلى ماسەلەنىڭ وزەكتىلىگىنە توقتالىپ، اعىمداعى جىلى وڭىردە جاۋىن- شاشىن مول ءتۇسىپ، قىستىڭ جايلى بولۋى زيانكەستەردىڭ كوبەيۋىنە وڭ اسەر بەرگەندىگى تۋرالى ايتىپ، زيانكەستەرگە بيولوگيالىق كۇرەستى جوعارى دەڭگەيدە ۇيىمداستىرۋدى قاتاڭ تاپسىردى.
قازىرگى تاڭدا ارىس قالاسىنىڭ ەنشىسىندەگى 56,3 مىڭ گەكتار جەرگە شەگىرتكەگە قارسى دارىلەر سەبىلۋدە. بۇل باعىتتاعى جۇمىستارعا زيانكەستەرگە ءدارى شاشاتىن 2 ۇشاق پەن ءدارى شاشاتىن قوندىرعىلارمەن جابدىقتالعان 4-تراكتور، 6-گاز-66 جۇك كولىگى، 9-ۋازيك، بارلىعى 21 تەحنيكا مەن 100-دەن اسا ادام جۇمىلدىرىلىپ، جۇمىس قارقىندى تۇردە جۇرگىزىلۋدە.
